اسلام آباد۔ 10ستمبر(اے پی پی)صدر آصف علی زرداری نال بحرین دے وزیر داخلہ جنرل شیخ راشد بن عبد اللہ الخلیفہ ملین۔ ایوان صدر دے پریس ونگ توں جاری بیان دے مطابق صدر مملکت آصف علی زرداری آکھیا جو پاکستان بحرین نال بھراواں آلے تعلقات کوں ودھ اہمیت ݙیندے۔ صدر مملکت ݙوہاں ملکاں وچال ویزا فری معاہدے سودھا موجودہ تعاون دی تعریف کیتی۔ صدر آصف علی زرداری آکھیا جو بحرین اچ …
صدر آصف علی زرداری نال بحرین دے وزیر داخلہ جنرل شیخ راشد بن عبد اللہ الخلیفہ دی ملاقات
اسلام آباد۔ 10ستمبر(اے پی پی)صدر آصف علی زرداری نال بحرین دے وزیر داخلہ جنرل شیخ راشد بن عبد اللہ الخلیفہ ملین۔ ایوان صدر دے پریس ونگ توں جاری بیان دے مطابق صدر مملکت آصف علی زرداری آکھیا جو پاکستان بحرین نال بھراواں آلے تعلقات کوں ودھ اہمیت ݙیندے۔ صدر مملکت ݙوہاں ملکاں وچال ویزا فری معاہدے سودھا موجودہ تعاون دی تعریف کیتی۔ صدر آصف علی زرداری آکھیا جو بحرین اچ رہݨ آلے پاکستانی ݙوہان ملکاں دی خوشحالی اچ اہم کردار ادا کریندے پین۔ صدر صف علی زرداری سلامتی، امیگریشن، دہشت گردی اتے منشیات دے خلاف جنگ اچ تعاون ودھاوݨ تے زور ݙیندے بحرین اچ پاکستانی پروفیشنلز اتے ورک فورس دیاں خدمات دی تعریف کیتی۔ انہاں آکھیا جو ویزا سسٹم کوں موثر بݨاوݨ کیتے ڈیجیٹل سہولتاں ݙیوݨ دی لوڑھ اے۔ انہاں بحرین دی وزارت داخلہ دے افسراں کوں اسلام آباد دے دورے دی دعوت وی ݙتی۔ بحرین دے وزیر داخلہ جنرل شیخ راشد بن عبد اللہ الخلیفہ صدر مملکت کوں بحرین دی قیادت تے عوام دیاں نیک تمناواں پچائیاں۔ بحرینی وزیر داخلہ پاکستانی کمیونٹی دے کردار دی تعریف کیتی اے باہمی تعلقات ٻئے تکڑے کرݨ دا آکھیا۔ ملاقات اچ وفاقی وزیر داخلہ محسن نقوی، وزیر مملکت طلال چوہدری تے سینیٹر سلیم مانڈوی والا وی موجود ہن۔
