اسلام آباد۔11ستمبر (اے پی پی) عراقی فضائیہ دے کمانڈر لیفٹیننٹ جنرل سٹاف پائلٹ مہند غالب محمد راضی الاسدی دی سربراہی اچ ہک اعلیٰ سطحی دفاعی وفد ایئر ہیڈکوارٹرز اسلام آباد اچ چیف آف ایئر سٹاف پاکستان ایئر فورس، ایئر چیف مارشل ظہیر احمد بابر سدھو نال ملاقات کیتی۔ ملاقات اچ ݙوہیں بھرا ملکاں وچال آپت دے تعاون دے مختلف پاسیں اُتے ڳالھ مہاڑ تھئی، جنہاں اچ خاص کر سانجھی تربیت، …
عراقی فضائیہ دے کمانڈر دا ایئر ہیڈکوارٹرز اسلام آباد دا دورہ، پاک فضائیہ نال تعاون ودھاوݨ تے اتفاق
اسلام آباد۔11ستمبر (اے پی پی) عراقی فضائیہ دے کمانڈر لیفٹیننٹ جنرل سٹاف پائلٹ مہند غالب محمد راضی الاسدی دی سربراہی اچ ہک اعلیٰ سطحی دفاعی وفد ایئر ہیڈکوارٹرز اسلام آباد اچ چیف آف ایئر سٹاف پاکستان ایئر فورس، ایئر چیف مارشل ظہیر احمد بابر سدھو نال ملاقات کیتی۔ ملاقات اچ ݙوہیں بھرا ملکاں وچال آپت دے تعاون دے مختلف پاسیں اُتے ڳالھ مہاڑ تھئی، جنہاں اچ خاص کر سانجھی تربیت، اہلیت اچ ودھارا اتے ایوی ایشن انڈسٹری اچ پیشرفت شامل ہن۔ ایئر ہیڈکوارٹرز آوݨ تے پاکستان ایئر فورس دے چاق و چوبند دستے معزز مہمان کوں گارڈ آف آنر پیش کیتا۔ آئی ایس پی آر موجب ملاقات اچ ایئر چیف مارشل ظہیر احمد بابر سدھو پاکستان اتے عراق دے وچال گھاٹے مذہبی و تاریخی تعلقات کوں اجاگر کیتا اتے انہاں کوں ݙوہیں فضائی افواج دے پراݨے تعلقات دی بنیاد قرار ݙتا۔ انہاں عراقی فضائیہ کوں تربیت دے شعبے اچ پاکستان ایئر فورس دی غیر متزلزل معاونت دا یقین ݙیوایا اتے آکھیا جو پاک فضائیہ عراقی فضائیہ دی اہلیت اچ ودھارے دے اقدامات کوں جاری رکھیسی۔ ݙوہیں کمانڈرز سانجھیاں مشقاں اتے تربیتی پروگرام منعقد کرݨ اُتے اتفاق کیتا تاں جو دوستی کوں مزید مضبوط اتے عملی ہم آہنگی کوں ودھارا ݙتا ونڄے۔ عراقی فضائیہ دے کمانڈر گرم جوشی نال استقبال اتے مہمان نوازی تے شکریہ ادا کریندے پاک فضائیہ دی وژنری قیادت کوں خراج تحسین پیش کیتا اتے خطے اچ ہک جدید، پیشہ ور اتے ٹیکنالوجی نال سجیے ہوئے فضائیہ اچ ایں دی تبدیلی دی تعریف کیتی۔ انہاں آپݨی فضائیہ دے تربیتی نظام کوں بنیاد توں گھن تے اعلیٰ عملی اتے حربی سطح تئیں نویں سروں بحال کرݨ دے عزم دا اظہار کیتا اتے ایں ضمن اچ پاک فضائیہ دے تعاون دی خواہش ظاہر کیتی۔ عراقی کمانڈر اے وی آکھیا جو انہاں دی فضائیہ پاک فضائیہ دے پائلٹس نال تبادلہ تعیناتیاں توں سکھݨ دے موقع کوں ٻہوں قدر دی نظر نال ݙیکھدی اے۔ انہاں نیشنل ایروسپیس سائنس اینڈ ٹیکنالوجی پارک اچ پاک فضائیہ دے جدید اقدامات، مقامی صلاحیتاں اتے مستقبل بین وژن کوں ݙیکھ تے گھاٹا تاثر ظاہر کیتا اتے آکھیا جو عراقی فضائیہ وی ایں طرز اُتے عراق اچ ہک ایجھا نظام قائم کرݨ چاہندے جیڑھا اکیڈمیا، صنعت اتے فوجی لوڑھاں کوں ہک جاہ کرے۔ بعد اچ معزز مہمان نیشنل آئی ایس آر اینڈ انٹیگریٹڈ ایئر آپریشنز سینٹر اتے پی اے ایف سائبر کمانڈ دا دورہ کیتا جتھاں انہاں کوں پاک فضائیہ دی آپریشنل صلاحیتاں اتے تکنیکی اقدامات اُتے بریفنگ ݙتی ڳئی۔ عراق دے ایں اعلیٰ سطحی دفاعی وفد دا دورہ پاکستان اتے عراق وچال فوجی تعاون کوں مزید تکڑا بݨاوݨ اتے ݙو پاسے تعلقات کوں ودھارا ݙیوݨ دے عزم کوں ݙکھیندا پئے۔
