راولپنڈی۔17ستمبر (اے پی پی) سکیورٹی فورسز بلوچستان دے ضلع خضدار اچ بھارتی پراکسی فِتنہ الہندوستان دے پنج دہشت گرداں کوں ہلاک کر ݙتا۔ بدھ کوں پاک فوج دے شعبہ تعلقات عامہ (آئی ایس پی آر) توں جاری بیان موجب 14 اتے 15 ستمبر دی رات، سکیورٹی فورسز بلوچستان دے ضلع خضدار اچ بھارتی پراکسی فِتنہ الہندوستان دے دہشت گرداں دی موجودگی دی اطلاع تے ہک انٹیلی جنس بیسڈ آپریشن کیتا۔ …
سکیورٹی فورسز بلوچستان اچ بھارتی پراکسی فِتنہ الہندوستان دے پنج دہشت گرداں کوں ہلاک کر ݙتا
راولپنڈی۔17ستمبر (اے پی پی) سکیورٹی فورسز بلوچستان دے ضلع خضدار اچ بھارتی پراکسی فِتنہ الہندوستان دے پنج دہشت گرداں کوں ہلاک کر ݙتا۔ بدھ کوں پاک فوج دے شعبہ تعلقات عامہ (آئی ایس پی آر) توں جاری بیان موجب 14 اتے 15 ستمبر دی رات، سکیورٹی فورسز بلوچستان دے ضلع خضدار اچ بھارتی پراکسی فِتنہ الہندوستان دے دہشت گرداں دی موجودگی دی اطلاع تے ہک انٹیلی جنس بیسڈ آپریشن کیتا۔ آپریشن اچ سکیورٹی فورسز دہشت گرداں دے ٹکاݨے تے حملہ کیتا اتے سخت فائرنگ دے تبادلے دے بعد پنج ‘بھارتی حمایت یافتہ دہشت گرداں’ کوں ہلاک کر ݙتا۔ ہلاک تھیوݨ آلے دہشت گرداں دے قبضے توں وݙی مقدار اچ اسلحہ، گولہ بارود اتے دھماکا خیز مواد وی ملیا۔ اے دہشت گرد علاقے اچ کئی دہشت گردانہ کاروائیاں اچ ملوث ہن۔ کہیں وی دہشت گرد دی موجودگی توں علاقے کوں پورے طور تے صاف کرݨ کیتے آپریشن جاری اے۔ پاکستان دی سکیورٹی فورسز ملک توں بھارت دی نگرانی اچ دہشت گردی مکاوݨ اتے دہشت گردی اچ ملوث لوکاں کوں انصاف دے کٹہرے اچ گھن آوݨ کیتے پکے ہن۔
