راولپنڈی۔17ستمبر (اے پی پی) وفاقی وزیر دفاعی پیداوار محمد رضا حیات ہراج آکھیے جو حکومت خاص طور تے وزارت دفاعی پیداوار ایران دے نال تعلقات اچ مزید بہتری کیتے پکی اے، ݙوہیں ملکاں وچال چنڳے تعلقات ہن جیڑھے ہر لنگھدے لمحے مزید تکڑے تھیندے پئن۔ وزارت دفاعی پیداوار توں جاری بیان موجب اے ڳالھ انہاں اسلامی جمہوریہ ایران دے سفیر رضا امیری مقدم نال ملاقات اچ آکھی جنہاں انہاں نال …
ایران بھرا ملک، ایں نال تعلقات اچ بہتری کیتے پکے ہیسے، وفاقی وزیر محمد رضا حیات ہراج
راولپنڈی۔17ستمبر (اے پی پی) وفاقی وزیر دفاعی پیداوار محمد رضا حیات ہراج آکھیے جو حکومت خاص طور تے وزارت دفاعی پیداوار ایران دے نال تعلقات اچ مزید بہتری کیتے پکی اے، ݙوہیں ملکاں وچال چنڳے تعلقات ہن جیڑھے ہر لنگھدے لمحے مزید تکڑے تھیندے پئن۔ وزارت دفاعی پیداوار توں جاری بیان موجب اے ڳالھ انہاں اسلامی جمہوریہ ایران دے سفیر رضا امیری مقدم نال ملاقات اچ آکھی جنہاں انہاں نال ملاقات کیتی اتے آپت دے دلچسپی دے معاملیں خاص کر دفاعی پیداوار دے شعبے اچ تعاون بارے ڳالھ مہاڑ کیتی۔ وفاقی وزیر آکھیا جو پاکستان ایران دے نال آپݨے بھراواں آلے تعلقات کوں ٻہوں اہمیت ݙیندے اتے ایں کوں ہک نیڑے دا دوست اتے ہمسایہ سمجھدے، ݙوہیں ملکاں وچال چنڳے تعلقات ہن جیڑھے ہر لنگھدے لمحے مزید تکڑے تھیندے پئن۔ انہاں ایں ڳالھ تے زور ݙتا جو حکومت پاکستان خاص کر وزارت دفاعی پیداوار اسلامی جمہوریہ ایران دے نال تعلقات اچ مزید بہتری کیتے پکی اے۔ ایرانی سفیر وفاقی وزیر کوں آپݨے تعاون دا یقین ݙویندے آکھیا جو ایران پاکستان دے نال تعلقات کوں مزید تکڑا بݨاوݨ چاہندے جو ݙوہیں ملکاں دے عوام کیتے فیدہ مند اے۔ انہاں آکھیا جو ایران علاقائی تعاون ودھاوݨ دے نال پاکستان دے نال اقتصادی تعاون کوں ودھاوݨ دا ارادہ وی رکھیندے۔
