اسلام آباد۔ 18 ستمبر (اے پی پی) اسپیکر قومی اسمبلی سردار ایاز صادق وزیراعظم شہباز شریف تے سعودی قیادت وچال آپسی دفاعی معاہدے تے دستخطاں دا خیرمقدم کریندیں ہوئے آکھیا جو پاکستان تے سعودی عرب دفاعی تعاون دے نویں باب دا آغاز کیتے ایں سانگے ڈوہیں دیس دل دی گہرائیاں توں مبارکباد دے مستحق ہن۔ آپݨے بیان اچ انہاں آکھیا جو پوری قوم وزیراعظم محمد شہباز شریف تے فیلڈ مارشل …
اسپیکر قومی اسمبلی دا وزیراعظم شہباز شریف تے سعودی قیادت وچال دفاعی معاہدے دا خیرمقدم
اسلام آباد۔ 18 ستمبر (اے پی پی) اسپیکر قومی اسمبلی سردار ایاز صادق وزیراعظم شہباز شریف تے سعودی قیادت وچال آپسی دفاعی معاہدے تے دستخطاں دا خیرمقدم کریندیں ہوئے آکھیا جو پاکستان تے سعودی عرب دفاعی تعاون دے نویں باب دا آغاز کیتے ایں سانگے ڈوہیں دیس دل دی گہرائیاں توں مبارکباد دے مستحق ہن۔ آپݨے بیان اچ انہاں آکھیا جو پوری قوم وزیراعظم محمد شہباز شریف تے فیلڈ مارشل سید عاصم منیر دی بصیرت تے قیادت تے فخر کریندی اے۔ سعودی عرب ہمیشاں پاکستان دا مخلص ساتھی رہیے تے اڄ دا اے معاہدہ ایں دوستی کوں عملی شکل ݙیوݨ دی ہک وݙی کامیابی اے۔ پاکستان تے سعودی عرب اسلام تے امن دی سانجھی طاقت ہن تے انہاں دا اتحاد ناقابل شکست اے۔ انہاں آکھیا جو وزیراعظم محمد شہباز شریف سعودی ولی عہد محمد بن سلمان نال اعتماد تے بھائی چارے دی نویں بنیاد رکھی اے جو مستقبل کیتے خوش آئند اے۔ اے معاہدہ پاکستان دے دفاع کوں مضبوط بݨاوݨ تے خطے اچ امن و سلامتی دے فروغ کیتے ہک تاریخی قدم اے جیندے تے پوری قوم فخر کریندی اے۔ امت مسلمہ دی واحد مددگار پاکستان اے تے پاکستان ہر قدم تے امت دے دفاع تے تحفظ کوں یقینی بݨیسی۔
