سکیورٹی فورسز بلوچستان دے ضلع خضدار اچ بھارتی پراکسی فتنہ الہند دے 4 دہشت گرداں کوں جہنم واصل کر ݙتا، آئی ایس پی آر

راولپنڈی۔ 18 ستمبر (اے پی پی) سکیورٹی فورسز بلوچستان دے ضلع خضدار اچ بھارتی پراکسی فتنہ الہند دے 4 دہشت گرداں کوں جہنم واصل کر ݙتا۔ خمیس کوں پاک فوج دے شعبہ تعلقات عامہ (آئی ایس پی آر) توں جاری بیان موجب سکیورٹی فورسز بلوچستان دے ضلع خضدار اچ بھارتی پراکسی فتنہ الہند دے دہشت گرداں دی موجودگی دی اطلاع تے ہک انٹیلی جنس بیسڈ آپریشن کیتا۔ آپریشن اچ سکیورٹی فورسز دہشت گرداں دے ٹکاݨے تے حملہ کیتا تے شدید فائرنگ دے تبادلے دے بعد 4 بھارتی حمایت یافتہ دہشت گرداں کوں ہلاک کر ݙتا۔ ہلاک تھیوݨ آلے دہشت گرداں دے قبضے توں وݙی مقدار اچ اسلحہ، گولہ بارود تے دھماکا خیز مواد وی برآمد تھیا۔ اے دہشت گرد علاقے اچ کئی دہشت گردانہ کارروائیاں اچ ملوث ہن۔ کہیں وی دہشت گرد دی موجودگی توں علاقے کوں مکمل طور تے پاک کرݨ کیتے سینیٹائزیشن آپریشن جاری اے۔ پاکستان دی سکیورٹی فورسز ملک توں بھارت دی زیر سرپرستی دہشت گردی دے خاتمے تے دہشت گردی اچ ملوث بندیاں کوں انصاف دے کٹہرے اچ گھِن آوݨ کیتے پرعزم ہن۔