کاشغر20ستمبر(اے پی پی) صدر مملکت آصف علی زرداری نال سیرین ایئر دے مالک تے سی ای او ڈاکٹر یونچون یانگ ہفتے کوں کاشغر وچ ملاقات کیتی اتے انہاں کوں پاکستان وچ آپریشنز کیتے ایئر لائن دے مستقبل دے منصوبیں دا ݙسایا ۔ ایوان صدر دے پریس ونگ توں جاری بیان موجب صدر مملکت آکھیا جو سیرین ایئر کوں اپݨے ٻیڑے وچ طیاریں دی تعداد وچ ودھارا کرݨا چاہیدے تاں جو …
صدر مملکت آصف علی زرداری نال سیرین ایئر دے مالک تے سی ای او دی کاشغر وچ ملاقات
کاشغر20ستمبر(اے پی پی) صدر مملکت آصف علی زرداری نال سیرین ایئر دے مالک تے سی ای او ڈاکٹر یونچون یانگ ہفتے کوں کاشغر وچ ملاقات کیتی اتے انہاں کوں پاکستان وچ آپریشنز کیتے ایئر لائن دے مستقبل دے منصوبیں دا ݙسایا ۔ ایوان صدر دے پریس ونگ توں جاری بیان موجب صدر مملکت آکھیا جو سیرین ایئر کوں اپݨے ٻیڑے وچ طیاریں دی تعداد وچ ودھارا کرݨا چاہیدے تاں جو ایئر لائن دے نیٹ ورک تے رابطے کوں مضبوط کیتا ونڄ سڳے۔ ڈاکٹر یونچون یانگ کیلیفورنیا یونیورسٹی کنوں پی ایچ ڈی دی ڈگری حاصل کیتی ہوئی اے۔ او چین وچ ہک لسٹڈ سیمی کنڈکٹر کمپنی دے بانی تے صدر ہن جیندے سویڈن تے امریکا وچ ذیلی کمپنیاں ہن۔ انہاں صدر مملکت کوں پاکستان وچ سیرین ایئر دے آپریشنز وچ مزید سرمایہ کاری کرݨ دے اپݨے عزم دا یقین ݙیوایا۔ سیرین ایئر پاکستان دے ایوی ایشن سیکٹر وچ پہلی چینی نجی سرمایہ کار تے بیجنگ کیتے پروازاں چلاوݨ آلی پہلی نجی پاکستانی ایئر لائن اے۔ ڈاکٹر یانگ جے ایف 17 ایویونکس تے پاک فضائیہ دے نال کمپنی دے اشتراکی منصوبیں تے وی روشنی پاتی۔ ملاقات وچ سینیٹر سلیم مانڈوی والا دے علاوہ چین وچ پاکستانی سفیر تے پاکستان وچ چین دے سفیر وی موجود ہن
