اسپیکر قومی اسمبلی دا 13 بھارتی سپانسرڈ دہشتگرداں کوں جہنم واصل کرݨ تے سیکیورٹی فورسز کوں خراجِ تحسین

اسلام آباد۔ 24 ستمبر(اے پی پی)اسپیکر قومی اسمبلی سردار ایاز صادق ڈیرہ اسماعیل خان اچ کامیاب آپریشن کر تے 13 بھارتی سپانسرڈ دہشتگرداں کوں جہنم واصل کرݨ تے سیکیورٹی فورسز کوں خراجِ تحسین پیش کیتا۔ انہاں آکھیا جو بھارتی سپانسرڈ دہشتگرداں دے خلاف نبردآزما سیکیورٹی فورسز دے بہادر جوان قوم دے ہیرو ہن۔ دہشتگردی دے خاتمے کیتے سیکیورٹی فورسز دیاں قربانیاں ناقابلِ فراموش ہن۔ بھارتی سرپرستی اچ سرگرم خوارج دے خاتمے کیتے سیکیورٹی فورسز دا غیر متزلزل عزم قابل ستائش اے۔ انہاں آکھیا جو دہشتگرداں دے سہولت کاراں اتے ملک دشمن عناصر کوں انجام تک پچاوݨ ویلھے دی اہم ضرورت اے۔ انہاں آکھیا جو سیکیورٹی فورسز دیاں مسلسل کامیابیاں پاکستان دے پرامن مستقبل دی ضمانت ہن۔ دہشتگردی دے خلاف سیکیورٹی فورسز دیاں قربانیاں رائیگاں نہ ویسن۔ پوری قوم سیکیورٹی فورسز دے بہادر جواناں دے شانہ بشانہ کھڑی اے۔