صدر مملکت آصف علی زرداری دا ہنگو اچ فتنہ خوارج دے دہشتگرداں دے حملے دی شدید مذمت

اسلام آباد۔24 اکتوبر (اے پی پی) صدر مملکت آصف علی زرداری ہنگو اچ بھارتی حمایت یافتہ فتنہ خوارج دے دہشتگرداں دے حملے دی شدید مذمت کریندیں ہوئیں آکھیا جو دہشتگرد ملک دے امن تے استحکام دے دشمن ہن، انہاں دی بزدلانہ کارروائیاں ناقابلِ برداشت ہن۔ جمعے کوں ایوانِ صدر دے پریس وِنگ دے مطابق صدرِ مملکت شہید ایس پی آپریشن اسد زبیر تے شہید پولیس اہلکاراں کوں خراجِ عقیدت پیش کیتا اتے آکھیا جو قوم آپݨے بہادر سپاہیاں دی قربانیاں تے فخر کریندی اے۔ انہاں آکھیا جو دہشتگردی دے خلاف جنگ اچ پولیس دے عزم تے حوصلے کوں سلام پیش کرینداں۔ صدرِ مملکت دعا کیتی جو اللہ تعالیٰ شہداء دے درجات بلند فرماوے تے لواحقین کوں صبرِ جمیل عطا فرماوے۔