راولپنڈی۔24 اکتوبر(اے پی پی) سکیورٹی فورسز خیبر پختونخوا دے ضلع ٹانک وچ خفیہ اطلاعات تے مبنی کارروائی دے دوران اٹھ ہندوستانی سپانسر شدہ دہشت گرداں کوں ہلاک کر ݙتے۔ آئی ایس پی آر توں جاری بیان موجب، ہندوستانی پراکسی فتنہ الخوارج نال تعلق رکھݨ آلے دہشت گرداں دی موجودگی دی اطلاع تے سکیورٹی فورسز ضلع ٹانک وچ انٹیلی جنس تے مبنی آپریشن کیتا۔ آپریشن دے دوران سکیورٹی فورسز دہشت گرداں …
سکیورٹی فورسز دی ضلع ٹانک وچ کارروائی، اٹھ ہندوستانی سپانسر شدہ دہشت گرد ہلاک
مزید خبراں
راولپنڈی۔24 اکتوبر(اے پی پی) سکیورٹی فورسز خیبر پختونخوا دے ضلع ٹانک وچ خفیہ اطلاعات تے مبنی کارروائی دے دوران اٹھ ہندوستانی سپانسر شدہ دہشت گرداں کوں ہلاک کر ݙتے۔ آئی ایس پی آر توں جاری بیان موجب، ہندوستانی پراکسی فتنہ الخوارج نال تعلق رکھݨ آلے دہشت گرداں دی موجودگی دی اطلاع تے سکیورٹی فورسز ضلع ٹانک وچ انٹیلی جنس تے مبنی آپریشن کیتا۔ آپریشن دے دوران سکیورٹی فورسز دہشت گرداں دے ٹھکاݨے کوں مؤثر طریقے نال نشانہ بݨایا تے شدید فائرنگ دے تبادلے دے بعد اٹھ ہندوستانی سپانسر شدہ دہشت گرداں کوں ہلاک کرݙتے۔ ماریے ڳئے دہشت گرداں توں اسلحہ تے گولہ بارود وی برآمد تھئے جیڑھا سکیورٹی فورسز تے قانون نافذ کرݨ آلے اداریں دے خلاف دہشت گردی دی متعدد کارروائیاں دے نال نال بے گناہ شہریاں دے قتل وچ وی ملوث ہن۔ سکیورٹی فورسز تے قانون نافذ کرݨ آلے ادارے نیشنل ایکشن پلان موجب وفاقی اپیکس کمیٹی دی طرفوں منظور شدہ وژن “عزم استحکام” دے تحت انسداد دہشت گردی مہم دے طور تے علاقے وچ موجود کئیں وی ٻئے ہندوستانی سپانسر شدہ دہشت گرد کوں ختم کرݨ کیتے سینی ٹائزیشن آپریشن جاری رکھیا ہویا اے ۔ اے مہم دہشت گردی دے خطرے تے غیر ملکی حمایت یافتہ دہشت گردی کوں ختم کرݨ کیتے پوری شدت نال جاری رہسی۔
