وزیراعظم محمد شہباز شریف سعودی ولی عہد شہزادہ محمد بن سلمان دی دعوت تے 27 توں 29 اکتوبر تئیں ریاض دا دورہ کریسن

اسلام آباد۔26اکتوبر (اے پی پی) وزیراعظم محمد شہباز شریف سعودی عرب دے ولی عہد تے وزیر اعظم شہزادہ محمد بن سلمان دی دعوت تے 27 توں 29 اکتوبر 2025 تئیں ہک اعلیٰ سطحی وفد دی قیادت کریندیں ہوئیں ریاض دا دورہ کریسن ۔ ایں وفد اچ نائب وزیر اعظم تے وزیر خارجہ سینیٹر محمد اسحاق ڈار سودھے وفاقی کابینہ دے اہم وزراء شامل ہوسن  جیہڑے مستقبل سرمایہ کاری اقدام (ایف آئی آئی 9) دے نوویں ایڈیشن اچ شرکت کریسن ۔ اتوار کوں ترجمان دفتر خارجہ دے بیان موجب ایف آئی آئی 9 عالمی رہنماواں، سرمایہ کاراں، پالیسی سازاں اتے ماہرین جدت کوں ہک پلیٹ فارم تے جمع کریسی جِتھ ’’ترقی دی کنجی: نمو دی نوی سرحداں دا حصول‘‘ دے موضوع تے عالمی چیلنجز اتے مواقع تے غور کیتا ویسی ۔ ایں مباحثیاں اچ جدت، پائیداری، معاشی شمولیت اتے جیو پولیٹیکل تبدیلیاں سویں اہم امور شامل ہوسن ۔ وزیراعظم آپݨے قیام اچ سعودی قیادت نال تجارت، سرمایہ کاری، توانائی اتے افرادی قوت دے شعبیاں اچ تعاون کوں ودھاوݨ دے مواقع تے ڳالھ مہاڑ کریسن۔ ملاقاتاں اچ علاقائی تے عالمی معاملات تے وی غور کیتا ویسی ایف آئی آئی 9 دے موقع تے وزیراعظم ٻئے شریک ملکاں دے رہنماواں اتے بین الاقوامی تنظیماں دے سربراہان نال وی ملاقاتاں کریسن ۔ ایں رابطیاں دے ذریعے پاکستان دی سرمایہ کاری صلاحیت اتے پائیدار ترقی کیتے تعاون دی تیاری کوں اُجاگر کیتا ویسی اے جیہڑا ’’سوچیں، تبادلہ کریں اتے عمل کریں‘‘ دے ماڈل نال ہم آہنگ اے۔ ایں دورے اقتصادی سفارت کاری کوں مضبوط بݨاوݨ اتے سرمایہ کاری، ٹیکنالوجی اتے پائیدار ترقی دے شعبیاں اچ اسٹریٹجک شراکت داریاں دے فروغ کیتے پاکستان دے عزم دی توثیق کریندے۔