کشمیری عوام ہک ݙینھ آزادی دی منزل توں ضرور ہمکنار تھیسن، وفاقی وزیر برائے منصوبہ بندی، ترقی تے خصوصی اقدامات پروفیسر احسن اقبال دا یومِ سیاہ کشمیر تے سنیھا

اسلام آباد۔27اکتوبر (اے پی پی) وفاقی وزیر برائے منصوبہ بندی، ترقی تے خصوصی اقدامات پروفیسر احسن اقبال “یومِ سیاہ کشمیر” دے موقع تے آپݨے سنیھے اچ آکھیا جو ایں ݙینھ بھارت دے غیر قانونی قبضے اتے کشمیری عوام دے بنیادی حقاں دی سنگین خلاف ورزی دی یاد ݙویَندے ۔ پروفیسر احسن اقبال آکھیا جو 27 اکتوبر 1947 تاریخ دا او سیاہ ݙینھ اے جݙاں بھارت کشمیریاں دی خواہشاں اتے اقوامِ متحدہ دی قرارداداں دے برخلاف وادیٔ کشمیر تے جبری تسلط قائم کیتا ۔ انہاں آکھیا جو بھارت کشمیری عوام دی آواز دباوݨ اچ ناکام تھی ڳئے اتے کشمیر دی آزادی دی جدوجہد ہک ݙینھ ضرور کامیاب تھیسی۔وفاقی وزیر آکھیا جو پاکستان ہمیشہ کشمیری عوام دے حقِ خود ارادیت دی سیاسی، سفارتی اتے اخلاقی حمایت جاری رکھیسی ۔ انہاں ایں عزم دا اعادہ کیتا جو کشمیری عوام دی لازوال قربانیاں کݙاھیں رائیگاں نہ ویسن، بلکہ او ہک ݙینھ آزادی دی منزل توں ضرور ہمکنار تھیسن۔ ۔ انہاں آکھیا جو کشمیری عوام دے نال کھڑوں اتے کھڑے رہسوں، جتنے تئیں او آزادی دی منزل حاصل نئیں کر ڳھندے۔