ستاوی اکتوبر1947ء تاریخ دا کالا ݙینھ اے ، کشمیریاں دی آزادی دی جدوجہد دی مکمل حمایت جاری رکھیسوں، سینیٹر روبینہ خالد

اسلام آباد۔27اکتوبر (اے پی پی) چیئرپرسن بینظیر انکم سپورٹ پروگرام سینیٹر روبینہ خالد آکھیے جو 27 اکتوبر 1947ء تاریخ دا او سیاہ ݙینھ اے جݙاں بھارت زبردستی کشمیر دی سرزمین تے آپݨا قبضہ ڄمایا، مقبوضہ کشمیر دے عوام کئی ݙھاکیں توں بھارت دے ظلم و جبر دا شکار ہن۔ یوم سیاہ کشمیر دے حوالے نال آپݨے جاری بیان اچ انہاں آکھیا جو مقبوضہ کشمیر دے عوام کوں بھارت ولوں نسل کشی، قتل اتے بدترین ظلم دا سامݨا اے، عالمی برادری کوں مقبوضہ کشمیر دے عوام کیتے آواز چاوݨی پوسی۔ سینٹر روبینہ خالد آکھیا جو 70 سالاں توں مقبوضہ کشمیر دے مسلمان بھارتی افواج دے ظلم دا شکار ہن، مودی لکھاں مسلماناں دا خون وہائے ۔ انہاں آکھیے پاکستان دے عوام مقبوضہ کشمیر دے نال ہن، مقبوضہ کشمیر دے بہادر عوام جِتھاݨ ظلم دے خلاف آواز چیندے پئن ، میں انہاں کوں خراج عقیدت پیش کریندی ہاں۔ سینٹر روبینہ خالد آکھیا جو اساں کشمیری عوام کوں یقین ݙویسوں جو اساں اُنہاں دے نال کھڑوں اُنھاں دی آزادی دی جدوجہد اچ اساں مکمل حمایت جاری رکھیسوں۔