راولپنڈی۔ 28 اکتوبر(اے پی پی) چیئرمین جوائنٹ چیفس آف سٹاف کمیٹی جنرل ساحر شمشاد مرزا اپݨے سرکاری دورے بنگلہ دیش اچ بنگلہ دیش دے آرمی دے چیف آف آرمی سٹاف جنرل وقار الزمان نال ڈھاکہ اچ آرمی ہیڈکوارٹرز اچ ملاقات کیتی۔ آئی ایس پی آر دے مطابق، ملاقات اچ ݙوہاں فریقین پاکستان اَتے بنگلہ دیش وچال دفاعی تعاون اچ چنگی پیش رفت تے اطمینان کیتا اَتے عسکری قیادت دی مختلف …
چیئرمین جوائنٹ چیفس آف سٹاف کمیٹی جنرل ساحر شمشاد مرزا دی بنگلہ دیش دے آرمی چیف نال ملاقات
مزید خبراں
راولپنڈی۔ 28 اکتوبر(اے پی پی) چیئرمین جوائنٹ چیفس آف سٹاف کمیٹی جنرل ساحر شمشاد مرزا اپݨے سرکاری دورے بنگلہ دیش اچ بنگلہ دیش دے آرمی دے چیف آف آرمی سٹاف جنرل وقار الزمان نال ڈھاکہ اچ آرمی ہیڈکوارٹرز اچ ملاقات کیتی۔ آئی ایس پی آر دے مطابق، ملاقات اچ ݙوہاں فریقین پاکستان اَتے بنگلہ دیش وچال دفاعی تعاون اچ چنگی پیش رفت تے اطمینان کیتا اَتے عسکری قیادت دی مختلف سطحاں تے وفداں دے آپسی تبادلیاں کوں باقاعدگی نال جاری رکھݨ تے اتفاق کیتا۔ ݙوہاں معزز شخصیات بدلدے ہوئے عالمی اَتے علاقائی سکیورٹی ماحول تے ڳالھ مہاڑ کیتی اَتے پاکستان اَتے بنگلہ دیش دی مسلح افواج وچال ݙوطرفہ تعاون کوں ٻیا مضبوط بݨاوݨ دی ضرورت تے زور ݙیتا۔ ملاقات اچ تربیت، سانجھی مشقاں اَتے انسدادِ دہشت گردی دے تجربیاں دے تبادلے سودھا کئی معاملے شامل ہن۔ ایں موقعے تے ݙوہاں فریقین کئی پلیٹ فارمز تے گمراہ کُن اَتے انتشار انگیز معلوماتی مہماں توں پیدا تھیوݨ آلے نویں چیلنجز کوں سانجھی تشویش قرار ݙیندے ہوئیں ایں ڳالھ تے متفق تھئے جو اِیں خطرات نال مؤثر طریقے نال نبٹݨ کیتے تعاون اَتے سانجھیاں کوششاں کوں ٻیا ودھاوݨ بہوں ضروری اے۔
