اسلام آباد۔ 29 اکتوبر (اے پی پی) وزیراعظم محمد شہباز شریف سعودی عرب دا دورہ مُکمل کر تے وطن واپس پڄ ڳئن۔ وزیراعظم آفس دے میڈیا ونگ ولوں جاری تھیے بیان دے مُطابق ریاض دے نائب گورنر شہزادہ محمد بن عبدالرحمن بن عبدالعزیز وزیراعظم اتے پاکستانی وفد کوں کنگ خالد انٹرنیشنل ایئرپورٹ تے الوداع کیتا۔ دورے اچ وزیراعظم دی سعودی عرب دے ولی عہد تے وزیراعظم شہزادہ محمد بن سلمان …
وزیراعظم محمد شہباز شریف سعودی عرب دے دورے دے بعد وطن واپس پڄ ڳئے
مزید خبراں
اسلام آباد۔ 29 اکتوبر (اے پی پی) وزیراعظم محمد شہباز شریف سعودی عرب دا دورہ مُکمل کر تے وطن واپس پڄ ڳئن۔ وزیراعظم آفس دے میڈیا ونگ ولوں جاری تھیے بیان دے مُطابق ریاض دے نائب گورنر شہزادہ محمد بن عبدالرحمن بن عبدالعزیز وزیراعظم اتے پاکستانی وفد کوں کنگ خالد انٹرنیشنل ایئرپورٹ تے الوداع کیتا۔ دورے اچ وزیراعظم دی سعودی عرب دے ولی عہد تے وزیراعظم شہزادہ محمد بن سلمان بن عبدالعزیز آل سعود نال ملاقات تھئی جیندے اچ پاکستان اتے سعودی عرب وچال اقتصادی تعاون دے فریم ورک دا آغاز کیتا ڳیا۔ ایں فریم ورک پاکستان اتے سعودی عرب وچال اقتصادی تعلقات اچ نویں باب دا آغاز کیتے۔ بیان دے مُطابق پاکستان اتے سعودی عرب وچال موجود پُراݨے تعلقات کوں ٻیا مضبوط ٻݨاوݨ دے حوالے نال اقتصادی تعاون فریم ورک ݙوہیں مُلکاں وچال تعاون دے نویں راہواں لبھݨ اچ اہم کردار ادا کریسی۔ فریم ورک دے تحت ݙوہیں مُلکاں وچال توانائی، صنعت، کان کنی، انفارمیشن ٹیکنالوجی، سیاحت، زراعت اتے غذائی تحفظ دے شعبیاں اچ تعاون کوں مضبوط بنڑاوݨ، نجی شعبے دا کردار ودھاوݨ اتے تجارتی تبادلیاں کوں فروغ ڈیوݨ واسطے کم کیتا ویسی۔ دورے دے دوران ݙوہیں مُلکاں وچال جاری کئی مشترکہ منصوبے، جِنہاں اچ پاکستان اتے سعودی عرب وچال بجلی دی ترسیل دے منصوبے اتے توانائی دے شعبے اچ تعاون دی مفاہمت دی یادداشتاں تے دستخط وی شامل ہن۔ وزیراعظم ریاض اچ منعقدہ فیوچر انویسٹمنٹ انیشی ایٹیو دی 9ویں کانفرنس اچ شرکت کیتی اتے “کیا انسانیت سہی سمت آلے پاسے ویندی پئی اے؟” دے موضوع تے گول میز مباحثے اچ پاکستان دا نقطہ نظر پیش کریندیں ہوئیں آپݨی گالھ مہاڑ اچ انسانی ترقی اتے فلاح و بہبود واسطے عالمی شراکت داری دی لوڑھ تے زور ݙتا۔
