پاکستان میزبانی کرݨ آلیاں دی درخواست تے افغان طالبان نال مذاکرات ولا شروع کرݨ کیتے راضی، افغانستان دہشت گرداں دے خلاف اثر انگیز کارروائی کرے، پاکستان اپنڑے مطالبے تے قائم

اسلام آباد۔ 30 اکتوبر (اے پی پی) پاکستان، میزبانی کرݨ آلیاں دی درخواست تے افغان طالبان نال گالھ مہاڑ وَلا شروع کرݨ کیتے راضی تھی ڳئے۔ ذرائع دے مطابق پاکستانی وفد جیڑھا جو واپس آوݨ آلا ہئی، ہݨ استنبول اچ ہک واری ولا رہسی۔ ذرائع موجب گالھ مہاڑ پاکستان دے اُوہو مرکزی مطالبے تے تھیسی جو افغانستان دہشت گرداں دے خلاف صاف، شفاف اتے اثر انگیز کارروائی کرے۔ پاکستان ہک واری ولا زور ݙتے جو افغان زمین پاکستان دے خلاف دہشت گردی کیتے استعمال نہ تھیوے۔