اسلام آباد۔ 30 اکتوبر (اے پی پی) وزیر اعظم محمد شہباز شریف سیلز ٹیکس دا فراڈ کرݨ آلے اداریاں، کمپنیاں اَتے لوکاں دا تریڄھے ہفتے دے اندر سراغ لا تے رپورٹ ݙیوݨ دی ہدایت کریندیں ہوئیں آکھیا جو پرال دے نظام دا بین الاقوامی کنسلٹینسی فرم توں فارنزک آڈٹ کرایا ونجے۔ خمیس کوں وزیر اعظم محمد شہباز شریف دی صدارت اچ ایف بی آر اچ اصلاحات دے حوالے نال ہک …
وزیر اعظم محمد شہباز شریف دی صدارت اچ ایف بی آر اچ اصلاحات دا جائزہ اجلاس، پرال دے نظام دا فارنزک آڈٹ کراوݨ دی ہدایت
مزید خبراں
اسلام آباد۔ 30 اکتوبر (اے پی پی) وزیر اعظم محمد شہباز شریف سیلز ٹیکس دا فراڈ کرݨ آلے اداریاں، کمپنیاں اَتے لوکاں دا تریڄھے ہفتے دے اندر سراغ لا تے رپورٹ ݙیوݨ دی ہدایت کریندیں ہوئیں آکھیا جو پرال دے نظام دا بین الاقوامی کنسلٹینسی فرم توں فارنزک آڈٹ کرایا ونجے۔ خمیس کوں وزیر اعظم محمد شہباز شریف دی صدارت اچ ایف بی آر اچ اصلاحات دے حوالے نال ہک جائزہ اجلاس تھیا جیندے اچ وفاقی وزیر، چیئرمین ایف بی آر تے متعلقہ اداریاں دے وݙے افسر شامل ہن۔ وزیراعظم کوں واشنگٹن اچ تھیوݨ آلی ورلڈ بینک کانفرنس اچ ایف بی آر دی شمولیت بارے ݙسیا گئیا۔ وزیر اعظم 2018-2019 اچ شروع تھیوݨ آلے سیلز ٹیکس فراڈ دا نوٹس گھِدا ہا اَتے فیکٹ فائنڈنگ کمیٹی بݨائی ہئی۔ انکوائری کمیٹی رپورٹ ݙتی جو فراڈ پرال دے پُراݨے ڈیجیٹل نظام، نگرانی دی کمی اَتے ڈیٹا بیس دے محفوظ نہ ہووݨ پاروں تھیا ہا۔ وزیر اعظم ماضی دے سیلز ٹیکس فراڈ تے برہمی دا اظہار کریندیں ہوئیں ہدایت کیتی جو پرال دے نظام دا بین الاقوامی فرم توں فارنزک آڈٹ کرایا ونجے۔ وزیراعظم سیلز ٹیکس فراڈ کرݨ آلیاں دی سنڄاݨ کرݨ کیتے تحقیقاتی کمیٹی کوں تریڄھے ہفتے دے اندر رپورٹ ݙیوݨ اَتے آئندہ سخت قانونی کارروائی کرݨ دی وی ہدایت کیتی۔
