راولپنڈی۔ 30 اکتوبر(اے پی پی) چیف آف آرمی سٹاف فیلڈ مارشل سید عاصم منیر پاک-افغان کشیدگی اچ قبائلی عوام ولوں سکیورٹی فورسز دی غیر مشروط حمایت دی تعریف کریندے آکھیے جو افغان سرزمین توں پاکستان دے خلاف سرحد پار دہشت گردی دی اجازت نہ ݙیسوں، پاکستان خاص کر خیبر پختونخوا کُوں دہشت گرداں اَتے انہاں دے سرپرستاں توں پاک کر ݙتا ویسی۔ خمیس کُوں پاک فوج دے شعبہ تعلقات عامہ …
افغان سرزمین توں پاکستان دے خلاف سرحد پار دہشت گردی دی اجازت نہ ݙیسوں، فیلڈ مارشل سید عاصم منیر
مزید خبراں
راولپنڈی۔ 30 اکتوبر(اے پی پی) چیف آف آرمی سٹاف فیلڈ مارشل سید عاصم منیر پاک-افغان کشیدگی اچ قبائلی عوام ولوں سکیورٹی فورسز دی غیر مشروط حمایت دی تعریف کریندے آکھیے جو افغان سرزمین توں پاکستان دے خلاف سرحد پار دہشت گردی دی اجازت نہ ݙیسوں، پاکستان خاص کر خیبر پختونخوا کُوں دہشت گرداں اَتے انہاں دے سرپرستاں توں پاک کر ݙتا ویسی۔ خمیس کُوں پاک فوج دے شعبہ تعلقات عامہ (آئی ایس پی آر) توں جاری بیان دے مطابق چیف آف آرمی سٹاف فیلڈ مارشل سید عاصم منیر پشاور دا دورہ کیتا جِتھاں انہاں قبائلی عمائدین دے جرگے نال تفصیلی مُلاقات کیتی۔ آرمی چیف آکھیا جو افغانستان ولوں سرحد پار دہشت گردی دے مسلسل تھیوݨ دے باوجود، پاکستان صبر کیتے اَتے پاک-افغان ڈو طرفہ تعلقات بہتر بݨاوݨ کیتے افغانستان نال کئی موقعیاں تے سفارتی اَتے اقتصادی تعاون ودھائے۔ انہاں زور ݙے تے آکھیا جو پاکستان افغانستان سودھا سارے ہمسایاں نال امن چاہندے پر افغان سرزمین توں پاکستان دے خلاف سرحد پار دہشت گردی دی اجازت نہ ݙتی ویسی۔
