اسلام آباد۔ 31 اکتوبر (اے پی پی) نائب وزیر اعظم تے وزیر خارجہ سینیٹر محمد اسحاق ڈار نال کینیڈا دی وزیر خارجہ انیتا آنند پچھلی رات ٹیلی فون تے گالھ مہاڑ کیتی۔ دفتر خارجہ ولوں جمعہ کوں جاری کیتے ڳئے بیان موجب ݙوہیں رہنماواں ݙو پاسے دی تجارت اتے سرمایہ کاری کوں مضبوط بݨاوݨ تے گالھ کیتی، جیندے اچ زراعت اتے کناں سمیت معدنیات دے شعبے، اتے غیر ملکی سرمایہ …
نائب وزیر اعظم سینیٹر محمد اسحاق ڈار دی کینیڈا دی وزیر خارجہ انیتا آنند نال ٹیلی فون تے گالھ مہاڑ، غیر ملکی سرمایہ کاری دے ودھارے اتے حفاظت دے معاہدے دے تحت تعاون تے گالھ مہاڑ
مزید خبراں
اسلام آباد۔ 31 اکتوبر (اے پی پی) نائب وزیر اعظم تے وزیر خارجہ سینیٹر محمد اسحاق ڈار نال کینیڈا دی وزیر خارجہ انیتا آنند پچھلی رات ٹیلی فون تے گالھ مہاڑ کیتی۔ دفتر خارجہ ولوں جمعہ کوں جاری کیتے ڳئے بیان موجب ݙوہیں رہنماواں ݙو پاسے دی تجارت اتے سرمایہ کاری کوں مضبوط بݨاوݨ تے گالھ کیتی، جیندے اچ زراعت اتے کناں سمیت معدنیات دے شعبے، اتے غیر ملکی سرمایہ کاری دے ودھارے اتے حفاظت دے معاہدے (FIPPA) دے تحت تعاون شامل ہئی۔ وزیر خارجہ انیتا آنند، پاکستان کوں کینیڈین کینولا دی برآمدات کیتے مارکیٹ تئیں پڄݨ دی سہولت ݙیوݨ تے نائب وزیر اعظم دا شکریہ ادا کیتا۔ ݙوہیں رہنماواں اڄوکے چنڳے رابطیاں دی تعریف کریندیں ہوئیں ہک ݙوجھے دے فائدے کیتے معاشی تعاون کوں اڳوں ودھاوݨ دے پکے ارادے دا اعادہ کیتا اتے نیڑے دے رابطے اچ رہݨ تے اتفاق کیتا۔
