اسلام آباد۔ 31 اکتوبر(اے پی پی) پاکستان تنازعہ جموں و کشمیر تے پاکستان دے اصولی موقف اَتے کشمیری عوام دے حق خودارادیت دی مسلسل حمایت تے اسلامی تعاون تنظیم (او آئی سی) دا شکریہ ادا کیتے۔ ترجمان دفتر خارجہ طاہرحسین اندرابی جمعہ کوں پریس بریفنگ اچ آکھیا جو اساں بھارت دے غیر قانونی قبضے، دہشت گردی اَتے انسانی حقوق دِیاں خلاف ورزیاں دی مذمت کریندے ہیں اَتے اقوام متحدہ دی …
پاکستان تنازعہ جموں و کشمیر تے اصولی موقف دی حمایت تے او آئی سی دا شکریہ ادا کیتے
مزید خبراں
اسلام آباد۔ 31 اکتوبر(اے پی پی) پاکستان تنازعہ جموں و کشمیر تے پاکستان دے اصولی موقف اَتے کشمیری عوام دے حق خودارادیت دی مسلسل حمایت تے اسلامی تعاون تنظیم (او آئی سی) دا شکریہ ادا کیتے۔ ترجمان دفتر خارجہ طاہرحسین اندرابی جمعہ کوں پریس بریفنگ اچ آکھیا جو اساں بھارت دے غیر قانونی قبضے، دہشت گردی اَتے انسانی حقوق دِیاں خلاف ورزیاں دی مذمت کریندے ہیں اَتے اقوام متحدہ دی سلامتی کونسل دِیاں قرارداداں دے تحت حق خودارادیت گھنݨ کیتے کشمیری عوام دی اخلاقی، سفارتی اَتے سیاسی حمایت جاری رکھݨ دا عہد کریندے ہیں۔ ترجمان آکھیا جو 27 اکتوبر کوں یوم سیاہ منایا ڳیا۔ او آئی سی ولوں کشمیر تے پاکستان دے موقف دی حمایت تے شکریہ ادا کیتا ڳیا۔ یوم سیاہ دے موقع تے سیمینار، پینل ڈسکشنز اَتے نمائشاں کیتیاں ڳئیاں۔ صدر، وزیراعظم اَتے نائب وزیراعظم خصوصی سنیہا ݙتے، جیندے اچ کشمیری عوام دی منصفانہ جدوجہد اچ حمایت جاری رکھݨ دا عزم کیتا ڳیا۔ عالمی برادری توں مطالبہ کیتا ڳیا جو او بھارت تے دباؤ پاون تاں جو او قبضہ ختم کرے اَتے انسانی حقوق دِیاں خلاف ورزیاں روکے۔ نائب وزیراعظم اَتے وزیر خارجہ اقوام متحدہ دے اتے او آئی سی دے سیکرٹری جنرل کوں وی خط لِکھے، جیندے اچ کشمیر دی سنگین صورتحال بارے ݙسیا ڳیا۔
