بیوروکریسی کوں بدلدے حالات دے مطابق ٹیکنالوجی اَتے مصنوعی ذہانت نال ڄڑنا ہوسی، مصدق ملک

لاہور۔ 31 اکتوبر(اے پی پی) وفاقی وزیر برائے موسمیاتی تبدیلی و ماحولیاتی ہم آہنگی ڈاکٹر مصدق ملک آکھیے جو پاکستان دی بیوروکریسی کوں بدلدے ہوئے حالات اَتے نویاں ضرورتاں دے مطابق آپ کوں انفارمیشن ٹیکنالوجی اَتے مصنوعی ذہانت (Artificial Intelligence – AI) نال ہم آہنگ کرݨا ہوسی تاں جو طرز حکمرانی کوں موثر، شفاف اَتے نتیجہ خیز بݨایا ونج سڳے۔ او نیشنل سکول آف پبلک پالیسی لاہور اچ تھیوݨ والے 123ویں نیشنل مینجمنٹ کورس اَتے 38ویں سینئر مینجمنٹ کورس دی سرٹیفکیٹ ایوارڈ تقریب نال خطاب کریندے پئے ہن۔ ڈاکٹر مصدق ملک کورس پورا کرݨ آلے افسراں کوں مبارکباد ݙیندے آکھیا جو پاکستان دی بیوروکریسی نہ صرف قابل اَتے تجربہ کار اے، ٻھل قومی ترقی اَتے لوکاں دی فلاح کیتے پالیسی سازی اچ کلیدی کردار ادا کریندی پئی اے۔ انہاں آکھیا جو اَڄوکے دور اچ گورننس دے چیلنجز تیکھے بدلدے پئن، اِیں سانگے انتظامی اداریاں کوں وی آپݨے طریقہ کار اَتے سوچ اچ نویں رنگت گھن آوݨی ہوسی۔ وفاقی وزیر آکھیا جو نویں ٹیکنالوجی دے استعمال نال سرکاری کماں اچ شفافیت، تیزی اَتے کارکردگی اچ بہتری گھن آئی ونج سڳدی اے۔ تقریب دے آخر اچ ڈاکٹر مصدق ملک کامیاب افسراں اچ سرٹیفکیٹ ونڈیے اَتے انہاں دی پیشہ ورانہ صلاحیتاں دی تعریف کیتی۔