گلگت۔ 1 نومبر (اے پی پی) صدرِ مملکت آصف علی زرداری آکھیا جو پیپلز پارٹی دے قائدین ہر دور اچ گلگت بلتستان دی خدمت کیتی اے اَتے اڳوں وی اے سلسلہ جاری راہسی، گلگت بلتستان لوکاں کیتے نویں ہوسی، اساݙے کیتے نئی۔ ہفتے کوں گورنر ہاؤس گلگت اچ پاکستان پیپلز پارٹی گلگت بلتستان دے اجلاس توں خطاب کریندیں ہوئیں، صدرِ مملکت پارٹی کارکناں کوں یقین ݙیوایا جو انہاں دی شکایتاں …
پیپلز پارٹی ہر دور اچ گلگت بلتستان دی خدمت کیتی اے، اڳوں وی کریسی، صدرِ آصف علی زرداری
مزید خبراں
گلگت۔ 1 نومبر (اے پی پی) صدرِ مملکت آصف علی زرداری آکھیا جو پیپلز پارٹی دے قائدین ہر دور اچ گلگت بلتستان دی خدمت کیتی اے اَتے اڳوں وی اے سلسلہ جاری راہسی، گلگت بلتستان لوکاں کیتے نویں ہوسی، اساݙے کیتے نئی۔ ہفتے کوں گورنر ہاؤس گلگت اچ پاکستان پیپلز پارٹی گلگت بلتستان دے اجلاس توں خطاب کریندیں ہوئیں، صدرِ مملکت پارٹی کارکناں کوں یقین ݙیوایا جو انہاں دی شکایتاں کوں مُکاوݨ کیتے صدرِ پیپلز پارٹی گلگت بلتستان ہِک وفد بݨا تے انہاں نال ملسن، او آپ انہاں مسئلیاں دا حل کڈھیسن۔ ایں توں پہلے صدرِ آصف علی زرداری دی گورنر ہاؤس آمد تے گورنر گلگت بلتستان سید مہدی شاہ، صدرِ پیپلز پارٹی گلگت بلتستان امجد حسین ایڈووکیٹ اَتے پارٹی دے سینیئر رہنماواں انہاں دا استقبال کیتا۔ اجلاس دے دوران صدرِ پیپلز پارٹی گلگت بلتستان امجد حسین ایڈووکیٹ صدرِ مملکت کوں پارٹی دے معاملیاں تے بریفنگ ݙتی، جݙاں جو گلگت بلتستان دی ترائیں ڈویژناں دے صدور آپݨی آپݨی ڈویژن دے مسئلیاں بارے صدرِ مملکت کوں عرضیاں پیش کیتی۔
