وفاقی وزیر اطلاعات عطاء اللہ تارڑ دی مشرف علی زیدی کوں وزیراعظم دا ترجمان برائے غیر مُلکی میڈیا مقرر تھیوݨ تے مُبارکباد

اسلام آباد۔2نومبر (اے پی پی) وفاقی وزیر اطلاعات تے نشریات عطاء اللہ تارڑ مشرف علی زیدی کوں وزیراعظم دا ترجمان برائے غیر مُلکی میڈیا مقرر تھیوݨ تے مُبارکباد ڈِتی اے۔ اِتوار کوں سماجی رابطے دے پلیٹ فارم “ایکس” تے آپݨی ہِک پوسٹ اِچ وفاقی وزیر اطلاعات آکھیا جو مشرف علی زیدی دی تقرری اساݙی ٹیم اِچ ہِک بہترین ودھارا اے، گُزریل کجھ مہینیاں دے دوران اُنہاں نال کَم کرݨ شاندار تجربہ رہیا، آڳو وی اِیں سانجھے کَم کوں جاری رکھݨ دا اِنتظار کریندا پیاں، آؤ پاکستان دے بیانیے کوں ٻئے اُچے درجیاں تئیں گھِن ون٘ڄوں۔ انشاء اللہ