چیئرمین سینیٹ  دا اٹک اچ گھڑ سواری چیمپئن شپ توں خطاب

اٹک ۔ 03 نومبر (اے پی پی)چیئرمین سینیٹ سید یوسف رضا گیلانی مدروٹہ، ضلع اٹک اچ گھڑ سواری چیمپئن شپ اچ مہمان خصوصی دے طور تے شرکت کیتی۔ انہاں ایں خطے دی صدیاں پراݨی گھڑ سواری دیاں روایات، ثقافتی ورثے تے بہادری دی تعریف کریندے مدروٹہ کوں دلیری، تاریخ تے گھڑ سواری دے فن نال گہری وابستگی دی سرزمین آکھیا۔انہاں آکھیا جو روایتی کھیݙ محض تفریح دا ذریعہ کائنی بلکہ اے ساݙی سنڄاݨ ، قدر تے ریتاں رسماں دے سچے ورثے ہن۔ انہاں آکھیا جو پاکستان کوں روایتی گھڑ سواری دیاں کھیݙاں، خاص طور تے گھوڑ سواری اچ، عالمی سطح تے ہک منفرد مقام حاصل اے جیڑھا قومی ورثے، فخر تے ثقافتی تسلسل دی علامت اے۔انہاں آکھیا جو نیزہ بازی جھیں گھوڑ سواری دیاں کھیݙاں دی تاریخ قدیم دور، جنہاں اچ سکندر اعظم دا وی زمانہ شامل اے، تئیں پڄدی اے۔ گھوڑ سواری صرف ہک کھیݙ کائنی بلکہ اے نظم و ضبط، حکمت عملی، صبر، توازن تے برداشت دا مظہر اے۔ اے زندگی دے او سبق سکھیندی اے جیڑھے مقابلے توں پرے تئیں اہم رہندن۔چیئرمین سینیٹ زور ݙتے جو ایں طرح دیاں تقریبات نویں نسل کوں آپݨے ورثے تے تاریخ نال جوڑݨ اچ کلیدی کردار ادا کریندین تے اے ثقافتی سنڄاݨ کوں نسل در نسل محفوظ رکھݨ دے مؤثر پلیٹ فارم ہن۔