الیکشن کمیشن حلقہ این اے 66 وزیرآباد، این اے 129 لاہور تے پی پی 87 میانوالی وچ ضمنی الیکشن کیتے 23 نومبر دی تاریخ مقرر کر ݙتی

اسلام آباد۔ 3 نومبر (اے پی پی) الیکشن کمیشن قومی اسمبلی دے حلقہ این اے 66 وزیرآباد، این اے 129 لاہور تے پی پی 87 میانوالی وچ ضمنی الیکشن کیتے 23 نومبر دی تاریخ مقرر کر ݙتی۔ الیکشن کمیشن دی طرفوں جاری تھوݨ آلے نوٹیفکیشن موجب ، انہاں حلقیں وچ ضمنی الیکشن کیتے 4 ستمبر دی تاریخ مقرر کیتی ڳئی ہئی، پر بعد اچ چھل پاروں انہاں الیکشن کوں ملتوی کر ݙتا ڳیا ہئی۔ ہُݨ انہاں حلقیں وچ پولنگ 23 نومبر کوں تھیسی۔