صدر مملکت دا خیبر پختونخوا اچ دہشت گرداں دی دراندازی دی کوشش ناکام بݨاوݨ تے سکیورٹی فورسز کوں خراج تحسین

اسلام آباد۔ 3 نومبر (اے پی پی)صدر مملکت آصف علی زرداری، خیبر پختونخوا اچ دہشت گرداں دی دراندازی دی کوشش ناکام بݨاوݨ تے سکیورٹی فورسز کوں خراج تحسین پیش کریندے آکھیے جو بھارتی حمایت یافتہ ‘فتنہ الخوارج’ کوں شکست ݙیوݨ پاکستان دے امن و استحکام کیتے ضروری اے۔ ایوان صدر دے پریس وِنگ توں سوموار کوں جاری بیان دے مطابق، صدر مملکت آکھیا جو دشمن دے ناپاک ارادیاں کوں ناکام بݨاوݨ تے قوم کوں اپݨیاں فوجاں تے ماݨ اے۔ صدر مملکت، سکیورٹی فورسز دی ویلھے سِر اتے مؤثر کارروائی دی تعریف کیتی۔ صدر مملکت آصف علی زرداری آکھیا جو دہشت گردی دے مکمل خاتمے تئیں “عزم استحکام” دے تحت کارروائیاں جاری رہسن۔ صدر مملکت آکھیا جو پاکستان اپݨے دفاع، خودمختاری اتے سلامتی تے کوئی سمجھوتہ نہ کریسی۔ دعا ہے جو اللہ تعالیٰ وطن عزیز کوں دہشت گردی اتے ہر فتنے توں محفوظ رکھے۔