اسلام آباد (4 نومبر) نائب وزیراعظم تے وزیر خارجہ سٹیٹ محمد اسحاق ڈار آکھیا جو پاکستان تے عرب اسلامی ممالک غزہ اچ امن کیتے خلوص نال کوششاں کرین٘دے پئن۔ دُنیا دے نال ہم قدم رہݨ کیتے ٻئی تیز رفتاری نال اڳوں تے ٹُرݨا پوسی۔ اساݙی پالیسی شفافیت کوں یقینی بݨاوݨا اتے پاکستان اچ بین الاقوامی سرمایہ کاری ودھاوݨ اے۔ اے ڳالھیں انہاں منگل کوں گوگل کروم بک اسمبلی لائن دی …
پاکستان تے عرب اسلامی ممالک غزہ کیتے امن دی خلوص نال کوششاں کرین٘دے پئن، محمد اسحاق ڈار
اسلام آباد (4 نومبر) نائب وزیراعظم تے وزیر خارجہ سٹیٹ محمد اسحاق ڈار آکھیا جو پاکستان تے عرب اسلامی ممالک غزہ اچ امن کیتے خلوص نال کوششاں کرین٘دے پئن۔ دُنیا دے نال ہم قدم رہݨ کیتے ٻئی تیز رفتاری نال اڳوں تے ٹُرݨا پوسی۔ اساݙی پالیسی شفافیت کوں یقینی بݨاوݨا اتے پاکستان اچ بین الاقوامی سرمایہ کاری ودھاوݨ اے۔ اے ڳالھیں انہاں منگل کوں گوگل کروم بک اسمبلی لائن دی تقریب نال خطاب کریندیں ہوئے کیتا۔ انہاں آکھیا جو اساݙے کیتے انسانیت کوں بچاوݨ کیتے بھرپور کوششاں کرݨ پوسن۔ امریکی صدر ڈونلڈ ٹرمپ دی موجودگی اچ غزہ امن معاہدے تے دستخط تھئے۔ نائب وزیراعظم آکھیا جو حکومت پاکستان ڈیجیٹلائزیشن آلے پاسے ویندی پئی اے۔ اساں ٹیکنالوجی اچ ٻہوں ترقی کرین٘دے پئیوں۔ وزارت آئی ٹی دی کوششاں دے اڄ ثمرات مل٘دے پئن۔ انہاں آکھیا جو حکومت ڈیجیٹل پاکستان بݨاوݨ کیتے بھرپور اقدامات کیتن۔ سابق دور حکومت اچ اوں ویلھے دے وزیراعظم محمد نواز شریف دی قیادت اچ 5جی ٹیکنالوجی متعارف کرائی گئی۔ نائب وزیراعظم آکھیا جو اساݙی پالیسی شفافیت کوں یقینی بݨاوݨ اتے پاکستان اچ بین الاقوامی سرمایہ کاری ودھاوݨ اے۔ اساں ٹیکس دے عوامل کوں منظم کرݨ کیتے اقدامات کیتن، اے اساݙی ڈیجیٹل حکمت عملی نال ہم آہنگ اے۔ مصنوعی ذہانت کوں وقت دی اہم ضرورت قرار ݙیندیں ہوئیں نائب وزیراعظم آکھیا جو اساݙے کیتے دُنیا دے نال ہم قدم رہݨ کیتے ٻئی تیز رفتاری نال اڳوں ٹُرݨا پوسی۔ انہاں آکھیا جو جدید دور اچ جدید علوم سکھݨ ضروری اے۔ سٹیٹ محمد اسحاق ڈار آکھیا جو گزریل کجھ سالاں اچ حکومت ڈیجیٹل پاکستان بݨاوݨ کیتے کئی اہم اقدامات کیتن۔ پالیسی ریٹ اچ کمی نال سرمایہ کاری کوں فیدہ تھیندا پئے۔ اساݙی نوجوان نسل دی مہارت ودھاوݨ اچ گوگل کروم بک کلیدی کردار ادا کریسی۔ مارکیٹ اچ کروم دی دستیابی موجودہ گیجٹس دی فراہمی کوں ٻیا سوکھا بݨیسی۔ انہاں آکھیا جو ٹیکنالوجی اچ نویں جدتاں متعارف کرائی ڳئن۔ ایں موقعے تے نائب وزیراعظم تے وزیر خارجہ سینیٹر محمد اسحاق ڈار کوں گوگل ولوں کروم بک تے مومنٹو پیش کیتا ڳیا۔
