اسلام آباد (4 نومبر) وزیر دفاع خواجہ محمد آصف آکھیے جو پاکستان تے امریکہ وچال سانجھے احترام، استحکام تے خوشحالی دے مشترکہ مقاصد تے مبنی پراݨے تعلقات ہن۔ وزارت دفاع توں جاری بیان موجب وزیر دفاع خواجہ محمد آصف نال امریکی سفارتخانے دی قائم مقام ناظم الامور نٹالی بیکر دی انہاں دے دفتر وچ ملاقات تھئی جیندے وچ سانجھی دلچسپی دے امور تے ݙوطرفہ دفاعی تعاون کوں مزید مضبوط بݨاوݨ …
پاکستان تے امریکہ وچال سانجھے احترام، استحکام تے خوشحالی دے مشترکہ مقاصد تے مبنی پراݨے تعلقات ہن، وزیر دفاع خواجہ محمد آصف
اسلام آباد (4 نومبر) وزیر دفاع خواجہ محمد آصف آکھیے جو پاکستان تے امریکہ وچال سانجھے احترام، استحکام تے خوشحالی دے مشترکہ مقاصد تے مبنی پراݨے تعلقات ہن۔ وزارت دفاع توں جاری بیان موجب وزیر دفاع خواجہ محمد آصف نال امریکی سفارتخانے دی قائم مقام ناظم الامور نٹالی بیکر دی انہاں دے دفتر وچ ملاقات تھئی جیندے وچ سانجھی دلچسپی دے امور تے ݙوطرفہ دفاعی تعاون کوں مزید مضبوط بݨاوݨ دے طریقیں تے تفصیلی ڳالھ مہاڑ کیتی ڳئی۔وزیر دفاع ایں ڳالھ تے زور ݙتا جو پاکستان تے امریکہ وچال سانجھے احترام تے استحکام تے خوشحالی دے مشترکہ مقاصد تے مبنی پراݨے تعلقات ہن۔ ݙوہیں فریقاں ݙوطرفہ تعلقات دی مثبت رفتار تے اطمینان دا اظہار کیتا تے ݙوہیں ملکاں وچال تعلقات دی بحالی تے ودھدی ہوئی گرمجوشی دی تعریف کیتی ۔ بین الاقوامی برادری وچ ہک ذمہ دار تے مستقبل دے متلاشی شراکت دار دے طور تے پاکستان دے تعمیری کردار تے ودھدے تعاون دی تعریف کیتی ڳئی ۔ملاقات وچ افغانستان دی صورت حال تے وی ڳالھ مہاڑ تھئی۔ انہاں ہک پرامن، مستحکم تے محفوظ افغانستان دی اہمیت تے زور ݙیندے آکھیے جو علاقائی امن تے استحکام دے تحفظ کیتے افغان سرزمین توں پیدا تھیوݨ آلے چیلنجز نال مؤثر طریقے نال نبݨݨا چاہیدے ۔ ملاقات وچ ݙوطرفہ تعلقات دی موجودہ مثبت رفتار کوں برقرار رکھݨ تے ٻہوں سارے شعبیں اچ تعاون کوں مزید وسعت ݙیوݨ دا اعادہ کیتا ڳیا۔
