اسلام آباد (4 نومبر) وفاقی وزیر صحت سید مصطفیٰ کمال آکھیے جو اعضاء دے عطیات دے رجحان کوں ودھارا ݙتا ونڄے تاں جو مستحق مریضاں کوں وقتی علاج دی سہولت ݙتی ونڄ سڳے۔ اے ڳالھ انہاں پاکستان وچ اعضاء دی پیوندکاری (ارگن ٹرانسپلانٹ) دے ودھارے دے حوالے نال ہک اہم اجلاس وچ آکھی ۔ وفاقی وزیر صحت ایں ڳالھ تے زور ݙتا جو سارے انتظامی تے قانونی رکاوٹاں کوں دور …
وفاقی وزیر صحت سید مصطفیٰ کمال دی صدارت اچ پاکستان وچ اعضاء دی پیوندکاری دے ودھارے دے حوالے نال اہم اجلاس
اسلام آباد (4 نومبر) وفاقی وزیر صحت سید مصطفیٰ کمال آکھیے جو اعضاء دے عطیات دے رجحان کوں ودھارا ݙتا ونڄے تاں جو مستحق مریضاں کوں وقتی علاج دی سہولت ݙتی ونڄ سڳے۔ اے ڳالھ انہاں پاکستان وچ اعضاء دی پیوندکاری (ارگن ٹرانسپلانٹ) دے ودھارے دے حوالے نال ہک اہم اجلاس وچ آکھی ۔ وفاقی وزیر صحت ایں ڳالھ تے زور ݙتا جو سارے انتظامی تے قانونی رکاوٹاں کوں دور کرتے اعضاء دے عطیات دے رجحان کوں ودھارا ݙتا ونڄے۔ انہاں بون میرو ٹرانسپلانٹ متعلق موجودہ قوانین کوں سوکھا تے قابل عمل بݨاوݨ دی ہدایات ݙتی تاں جو بون میرو ٹرانسپلانٹ دی منظوری وچ درپیش مشکلات کوں گھٹایا ونڄ سڳے۔ انہاں اجلاس نال خطاب کریندے متعلقہ اداریں کوں ہدایت کیتی جو او آپݨی کارکردگی کوں مزید بہتر بݨاوݨ تے ارگن ٹرانسپلانٹ دے نظام کوں فعال تے شفاف بݨاوݨ کیتے وقتی اقدامات چاون ۔ انہاں آکھیا جو انسانی جاناں دے تحفظ کیتے اعضاء دے عطیات کوں ودھارا ݙیوݨ قومی تے اخلاقی ذمہ واری اے۔ اجلاس وچ ایڈمنسٹریٹر ایچ ای ڈی اے، ایڈیشنل سیکریٹری، جوائنٹ سیکریٹری ایڈمن تے وزارت صحت دے ٻئے اعلیٰ حکام شریک تھئے۔
