دوحہ۔ 4 نومبر(اے پی پی) صدرِ مملکت آصف علی زرداری دی قطر دے وزیراعظم و وزیر خارجہ شیخ محمد بن عبدالرحمٰن بن جاسم آل ثانی نال ملاقات تھئی۔ ݙوہاں پاسوں باہمی تعلقات کوں وسعت ݙیوݨ، تجارت دے ودھارے اتے سرمایہ کاری دے موقعاں کوں ودھاوݨ تے ڳالھ مہاڑ کیتی ڳئی۔ ایوان صدر دے میڈیا وِنگ توں منگل کوں جاری تھیوݨ آلے بیان دے مطابق، قطری وزیر اعظم و وزیر خارجہ …
صدرِ مملکت آصف علی زرداری دی قطری وزیراعظم و وزیر خارجہ نال ملاقات
مزید خبراں
دوحہ۔ 4 نومبر(اے پی پی) صدرِ مملکت آصف علی زرداری دی قطر دے وزیراعظم و وزیر خارجہ شیخ محمد بن عبدالرحمٰن بن جاسم آل ثانی نال ملاقات تھئی۔ ݙوہاں پاسوں باہمی تعلقات کوں وسعت ݙیوݨ، تجارت دے ودھارے اتے سرمایہ کاری دے موقعاں کوں ودھاوݨ تے ڳالھ مہاڑ کیتی ڳئی۔ ایوان صدر دے میڈیا وِنگ توں منگل کوں جاری تھیوݨ آلے بیان دے مطابق، قطری وزیر اعظم و وزیر خارجہ شیخ محمد بن عبدالرحمٰن بن جاسم آل ثانی صدرِ مملکت نال ملاقات کیتے آپ خصوصی طور تے ہوٹل آئے جتھاں صدر رہندے پین۔ ملاقات اچ ݙوہاں پاسوں باہمی تعلقات کوں وسعت ݙیوݨ، تجارت دے ودھارے اتے سرمایہ کاری دے موقعاں کوں ودھاوݨ تے ڳالھ مہاڑ کیتی ڳئی۔ صدرِ مملکت آصف علی زرداری اسرائیلی جارحیت دے دوران قومی سلامتی دے تحفظ کیتے قطر دی قیادت ولوں چاتے ڳئے اقدامات دی تعریف کیتی اتے ایں سانڳے قطر دیاں کوششاں کوں سراہیا۔ انہاں 2022 فیفا ورلڈ کپ دی کامیاب میزبانی اتے ایں موقعے تے چاتے ڳئے مثالی اقدامات تے وی قطر دی تعریف کیتی۔
