اسلام آباد۔ 5 نومبر (اے پی پی) اسپیکر قومی اسمبلی سردار ایاز صادق آکھیا جو بابا گرو نانک دیو جی دی تعلیمات جگتی امن، رواداری، محبت، اتے انسان دی خدمت دا درس ݙیندن۔ انہاں دا سنیھا سارے مذہباں، نسلاں اتے معاشریں وچال آپس اچ عزت اتے ہکجائی ودھاوݨ کیتے رہنمائی ݙیندے۔ بابا گرو نانک دیو جی دے 556ویں جمݨ ݙیہہ دے موقعے تے پاکستان سمیت پوری دنیا اچ رہݨ آلی …
بابا گرو نانک دیو جی دی تعلیمات جگتی امن، رواداری، محبت، تے انسان دی خدمت دا درس ݙیندن، اسپیکر قومی اسمبلی سردار ایاز صادق
مزید خبراں
اسلام آباد۔ 5 نومبر (اے پی پی) اسپیکر قومی اسمبلی سردار ایاز صادق آکھیا جو بابا گرو نانک دیو جی دی تعلیمات جگتی امن، رواداری، محبت، اتے انسان دی خدمت دا درس ݙیندن۔ انہاں دا سنیھا سارے مذہباں، نسلاں اتے معاشریں وچال آپس اچ عزت اتے ہکجائی ودھاوݨ کیتے رہنمائی ݙیندے۔ بابا گرو نانک دیو جی دے 556ویں جمݨ ݙیہہ دے موقعے تے پاکستان سمیت پوری دنیا اچ رہݨ آلی سکھ برادری کوں مبارکباد ݙیندیں ہوئیں انہاں آکھیا جو اے اساݙے کیتے فخر دی ڳالھ اے جو پاکستان، بابا گرو نانک دیو جی دی جائے پیدائش ننکانہ صاحب سمیت انہاں نال جُڑے ہوئے سارے مقدس گردواریں دی حفاظت اتے ݙیکھ بھال کوں آپݨی ذمہ واری سمجھدے۔ اسپیکر قومی اسمبلی آکھیا جو پاکستان دی پارلیمنٹ پاکستان اچ رہݨ آلیاں اقلیتاں دے مذہبی، سماجی اتے آئینی حقوق دے تحفظ کیتے پرعزم اے اتے ایں سلسلے اچ ملک اچ آپس اچ ہکجائی اتے رواداری کوں جمہوری قدراں دا بنیادی ستون سمجھدی اے۔ انہاں آکھیا جو ایں موقعے تے اساں کوں بابا گرو نانک دے انسان، صبر اتے انصاف دے سنیھے توں رہنمائی ڳھندیں ہوئیں ہک ایجھی دنیا دی تعمیر دا عہد کرݨا چاہیدے، جیڑھی امن، عزت اتے آپس دی محبت دا گہوارہ ہووے۔
