دوحہ۔ 5 نومبر (اے پی پی) صدرِ مملکت آصف علی زرداری آکھیا جو پاکستان اتے چین آہنی بھائی اتے ہر موسم دے اسٹریٹیجک شراکت دار ہن۔ چین نال دوستی پاکستان دی خارجہ پالیسی دا بنیادی ستون اے۔ اے ڳالھیں انہاں ٻدھ کوں اتھاں چین دے نائب صدر ہان ژنگ نال ملاقات اچ ڳالھ مہاڑ کریندیں ہوئیں آکھی۔ ݙوہیں رہنماواں وچال اے ملاقات دوحہ اچ جاری سماجی ترقی متعلق ݙوجھی عالمی …
صدرِ مملکت آصف علی زرداری دی چین دے نائب صدر ہان ژنگ نال ملاقات
مزید خبراں
دوحہ۔ 5 نومبر (اے پی پی) صدرِ مملکت آصف علی زرداری آکھیا جو پاکستان اتے چین آہنی بھائی اتے ہر موسم دے اسٹریٹیجک شراکت دار ہن۔ چین نال دوستی پاکستان دی خارجہ پالیسی دا بنیادی ستون اے۔ اے ڳالھیں انہاں ٻدھ کوں اتھاں چین دے نائب صدر ہان ژنگ نال ملاقات اچ ڳالھ مہاڑ کریندیں ہوئیں آکھی۔ ݙوہیں رہنماواں وچال اے ملاقات دوحہ اچ جاری سماجی ترقی متعلق ݙوجھی عالمی کانفرنس دے موقعے تے تھئی۔ صدرِ مملکت چین ولوں ہر اوکھے ویلھے پاکستان نال تعاون تے شکریہ ادا کیتا۔ صدر آصف علی زرداری سی پیک دے کامیاب نافذ کرݨ اچ چین دے تعاون دی تعریف کریندیں ہوئیں آکھیا جو سی پیک دا ݙوجھا مرحلہ اعلیٰ معیار دی ترقی دے نویں دور اچ داخل تھی ڳئے۔ ایں موقعے تے چین دے نائب صدر ہان ژنگ صدر شی جن پنگ ولوں نیک تمناواں پُڄائی۔ چینی نائب صدر پاکستان دی دہشت گردی دے خلاف کوششاں اتے علاقائی امن کیتے کردار دی تعریف کیتی۔ چینی نائب صدر آکھیا جو چین سی پیک دے ݙوجھے مرحلے اچ پاکستان دی ترقی اچ تعاون جاری رہسی۔ انہاں آکھیا جو ترقی دے منصوبے ٹرانسپورٹ، انفراسٹرکچر، آئی ٹی، زراعت اتے ووکیشنل تربیت جیڑھے شعبیاں اچ شامل ہوسن۔ ݙوہیں رہنماواں آپس اچ اعتماد، عزت اتے علاقائی خوشحالی دے وژن تے مبنی تعلقات مزید مضبوط بݨاوݨ دے عزم دا اظہار کیتا۔ ݙوہیں ملکاں علاقائی تے عالمی فورمز تے نیڑے دا تعاون جاری رکھݨ تے وی اتفاق کیتا۔
