اسلام آباد۔ 6 نومبر (اے پی پی) وفاقی وزیر برائے قانون تے انصاف اتے انسانی حقوق سینیٹر اعظم نذیر تارڑ آکھیا جو اڄ اساں جمّوں دے انہاں شہداء کوں خراجِ عقیدت پیش کریندوں جنہاں کوں اکتوبر اتے نومبر 1947ء اچ ڈوگرہ فوج اتے آر ایس ایس نظریے توں متاثر انتہاپسند گروہاں ظلم تے بربریت دا نشانہ بݨا تے شہید کیتا۔ خمیس کوں یومِ شہداء جموں دے موقع تے جاری سنیھے …
شہدائے جمّوں دی قربانی ایں عزم دی یاد دہانی اے جو سچائی کوں دبایا نئی ونڄ سگدا، سینیٹر اعظم نذیر تارڑ
مزید خبراں
اسلام آباد۔ 6 نومبر (اے پی پی) وفاقی وزیر برائے قانون تے انصاف اتے انسانی حقوق سینیٹر اعظم نذیر تارڑ آکھیا جو اڄ اساں جمّوں دے انہاں شہداء کوں خراجِ عقیدت پیش کریندوں جنہاں کوں اکتوبر اتے نومبر 1947ء اچ ڈوگرہ فوج اتے آر ایس ایس نظریے توں متاثر انتہاپسند گروہاں ظلم تے بربریت دا نشانہ بݨا تے شہید کیتا۔ خمیس کوں یومِ شہداء جموں دے موقع تے جاری سنیھے اچ وفاقی وزیر آکھیا جو اے سانحہ جنوبی ایشیا دی تاریخ دے بدترین انسانی المیاں اچ شمار تھیندے۔ انہاں آکھیا جو دنیا امریکی نائن الیون اتے نازی مظالماں تے تاں بھرپور توجہ ڈتی، لیکن کشمیریاں دے اوں قتلِ عام کوں بھلا ݙتا، جِتھاں صرف ݙو مہینے اچ ݙو لکھ سٹھ ہزار توں ودھ بے گناہ انساناں کوں شہید کیتا گیا۔ سینیٹر اعظم نذیر تارڑ آکھیا جو پاکستان کشمیری عوام دی منصفانہ جدوجہد اچ انہاں دے نال مضبوطی نال کھڑے۔
