راولپنڈی۔6نومبر(اے پی پی) چیئرمین جوائنٹ چیفس آف سٹاف کمیٹی جنرل ساحر شمشاد مرزا برونائی دارالسلام دے سرکاری دورے دے دوران سلطان حاجی حسن البلقیہ معیز الدین ولدولہ اتے وزیر دفاع دوم نال ملاقات کیتی۔پاک فوج دے تعلقات عامہ (آئی ایس پی آر) توں جاری بیان موجب، چیئرمین جوائنٹ چیفس آف سٹاف کمیٹی پرائم منسٹر دفتر دے منسٹر اتے وزیر دفاع دوم میجر جنرل (ر) یانگ برہورمت پیہن داتو لیلاراجا اتے …
چیئرمین جوائنٹ چیفس آف سٹاف کمیٹی جنرل ساحر شمشاد مرزا دے برونائی دارالسلام دے سرکاری دورے دوران اہم ملاقاتاں
مزید خبراں
راولپنڈی۔6نومبر(اے پی پی) چیئرمین جوائنٹ چیفس آف سٹاف کمیٹی جنرل ساحر شمشاد مرزا برونائی دارالسلام دے سرکاری دورے دے دوران سلطان حاجی حسن البلقیہ معیز الدین ولدولہ اتے وزیر دفاع دوم نال ملاقات کیتی۔پاک فوج دے تعلقات عامہ (آئی ایس پی آر) توں جاری بیان موجب، چیئرمین جوائنٹ چیفس آف سٹاف کمیٹی پرائم منسٹر دفتر دے منسٹر اتے وزیر دفاع دوم میجر جنرل (ر) یانگ برہورمت پیہن داتو لیلاراجا اتے کمانڈر رائل برونائی آرمڈ فورسز میجر جنرل داتو پدوکا سری حاجی محمد ہزائمی بن بول حسن نال وی انڄ انڄ ملاقاتاں کیتیاں۔ چیئرمین جوائنٹ چیفس مُوآرا نیول بیس تے موجود کے ڈی بی دارالامان اتے ڈیفنس اکیڈمی رائل برونائی آرمڈ فورسز دا وی دورہ کیتا، جِتھاں انہاں ’علاقائی امن تے استحکام کیتے پاکستان دیاں خدمات‘ دے موضوع تے خطاب کیتا اتے کمانڈ اینڈ اسٹاف کورس دے شرکاء نال ڳالھ مہاڑ کیتی۔ شرکاء اچ 19 ملکاں دے افسر وی شامل ہن۔انہاں ملاقاتاں اچ عالمی اتے علاقائی سلامتی دی بدلدی ہوئی صورتِ حال تے ڳالھ مہاڑ کیتی ڳئی۔ جنرل ساحر شمشاد برونائی دارالسلام نال دفاعی تعلقات کوں تکڑا بݨاوݨ دے عزم دا اظہار وی کیتا۔ چیئرمین جوائنٹ چیفس آف سٹاف کمیٹی برونائی دارالسلام نال پاکستان دے برادرانہ تعلقات کوں اُجاگر کیتا اتے آکھیا جو او ݙوہیں ملکاں وچال دفاعی اتے عسکری تعاون کوں ول مضبوط بݨاوݨ کیتے پُرعزم ہن۔ سلطان معظم اتے برونائی دارالسلام دی سول اتے عسکری قیادت پاکستانی مسلح فوجاں دے اُچے پیشہ ورانہ معیار، کارنامیں اتے دہشت گردی دے خلاف قربانیاں دی تعریف کیتی۔ چیئرمین جوائنٹ چیفس آف سٹاف کمیٹی کوں رائل برونائی آرمڈ فورسز ہیڈکوارٹر پُڄݨ تے چاق و چوبند دستے گارڈ آف آنر پیش کیتا۔
