اسلام آباد۔ 7 نومبر (اے پی پی) وزیر اعظم محمد شہباز شریف آذربائیجان دے صدر الہام علیوف دی دعوت تے آذربائیجان دے یوم فتح دی پنڄویں سالڳنڈھ دی تقریب اچ شرکت کیتے باکو روانہ تھی ڳئے ۔ وفاقی وزیر اطلاعات تے نشریات عطا اللہ تارڑ وی وزیر اعظم دے نال ہن۔ وزیر اعظم آفس دے میڈیا ونگ ولوں جمعے کوں جاری کیتے گئے بیان موجب دورے دے دوران وزیر اعظم …
وزیراعظم شہباز شریف آذربائیجان دے یوم فتح دی پنڄویں سالڳنڈھ دی تقریب اچ شرکت کیتے باکو روانہ
مزید خبراں
اسلام آباد۔ 7 نومبر (اے پی پی) وزیر اعظم محمد شہباز شریف آذربائیجان دے صدر الہام علیوف دی دعوت تے آذربائیجان دے یوم فتح دی پنڄویں سالڳنڈھ دی تقریب اچ شرکت کیتے باکو روانہ تھی ڳئے ۔ وفاقی وزیر اطلاعات تے نشریات عطا اللہ تارڑ وی وزیر اعظم دے نال ہن۔ وزیر اعظم آفس دے میڈیا ونگ ولوں جمعے کوں جاری کیتے گئے بیان موجب دورے دے دوران وزیر اعظم آذربائیجان دے صدر الہام علیوف نال ملاقات کریسن جئیں اچ ڈو پاسہ تعلقات دے سارے پہلوواں دا جائزہ گھنݨ دے علاوہ تجارت اتے سرمایہ کاری، توانائی، دفاع، تعلیم اتے علاقائی رابطیاں سودھے مختلف شعبیاں اچ تعاون کوں ٻیا گہرا کرݨ کیتے نویں راہ ڳولݨ تے توجہ ݙتی ویسی۔ پاکستان اتے آذربائیجان وچال سانجھے عقیدے، تریخ، ثقافت اتے آپسی اعتماد اُتے مبنی دیرینہ بھائی چارے دے تعلقات قائم ہن۔ ڈوہیں ملک علاقائی اتے بین الاقوامی فورمز جیویں اسلامی تعاون تنظیم (او آئی سی)، اقتصادی تعاون تنظیم (ای سی او) اتے اقوام متحدہ اچ وی تعاون برقرار رکھیندن۔ وزیر اعظم دا دورہ آذربائیجان دی خودمختاری اتے علاقائی سالمیت کیتے پاکستان دی پکی حمایت اتے ڈوہیں برادر ملکاں وچال سٹریٹجک شراکت داری کوں اڳوں ودھاوݨ دے عزم کوں دہراواݨ اے۔
