پاکستان مخالف پراپیگنڈا اچ پیش پیش گودی میڈیا دے کُوڑ دا پردہ چاک تھی گیا، وزارت اطلاعات و نشریات

اسلام آباد۔ 7 نومبر (اے پی پی) پاکستان مخالف پراپیگنڈا اچ اڳوں اڳوں چلݨ آلے گودی میڈیا دے کُوڑ دا پردہ کھل ڳیا۔ وزارتِ اطلاعات تے نشریات پاکستان گودی میڈیا دی پاکستان مخالف من گھڑت رپورٹس دا پول کھول ݙتا۔ تفصیلات دے مطابق، فریب اُتے مبنی بھارتی نشریاتی اداریاں ‘فرسٹ پوسٹ’ اتے ‘نیوز 18’ دے من گھڑت دعویاں دی حقیقت بے نقاب تھی ڳئی۔ پاکستان دی عسکری قیادت ولوں اسرائیل توں پاک فوج دی غزہ اچ تعیناتی اُتے “ڈالر گھنݨ” دا دعویٰ کُوڑا ثابت تھی ڳیا۔ بھارتی نشریاتی ادارہ فرسٹ پوسٹ کُوڑا دعویٰ کیتا جو امریکی حمایت یافتہ غزہ امن مشن اچ پاکستان دی عسکری قیادت اسرائیل توں 10 ہزار ڈالر دا مطالبہ کیتا۔ نیوز 18 دی من گھڑت اتے مذاق آمیز رپورٹ اچ پاکستان، موساد اتے سی آئی اے وچال خفیہ ملاقاتاں دا حوالہ وی ݙتا ڳیا۔ وزارتِ اطلاعات و نشریات پاکستان حقائق واضح کریندیں ہوئیں آکھیا جو پاکستان، اسرائیل یا امریکہ ولوں کہیں ملاقات یا مالی مذاکرات دا کوئی ثبوت یا سرکاری تصدیق موجود کائنی۔ پاکستان دی وزارتِ خارجہ اتے پاک فوج دے شعبہ تعلقات عامہ (آئی ایس پی آر) فوجی تعیناتی یا اسرائیلی تے امریکی خفیہ اداریاں نال ملاقات دی کوئی تصدیق نئیں کیتی۔ پاکستان اتے پاک فوج دے خلاف منفی پروپیگنڈا مہم بھارتی میڈیا دا رواج بݨ ڳئی اے۔ بھارت حقائق کوں وڳاڑ تے پاکستان دی عسکری اتے سفارتی ساکھ کوں نقصان پجاوݨ دی سازش کریندا پئے۔ گودی میڈیا گمراہ کن اتے کُوڑا پروپیگنڈا نال خطے اچ انتشار کھنڈاوݨ دی خراب کوششاں اچ مصروف اے۔