پاکستان موسمیاتی تبدیلی پاروں ساریں توں ودھ متاثر تھیوݨ آلے ملکاں اچ شامل اے، بیرسٹر دانیال چوہدری

اسلام آباد۔ 7 نومبر(اے پی پی) وفاقی پارلیمانی سیکرٹری اطلاعات و نشریات بیرسٹر دانیال چوہدری آکھیے جو پاکستان موسمیاتی تبدیلی پاروں ساریں توں ودھ متاثر تھیوݨ آلے ملکاں اچ شامل اے اتے ایں ویلھے دنیا دے سامݨے ساریں توں وݙا چیلنج اے۔ ہک تقریب نال خطاب کریندے بیرسٹر دانیال چوہدری آکھیا جو اگرچہ پاکستان عالمی سطح اُتے کاربن دے اخراج اچ صرف ہک فیصد حصہ پیندے پر موسمیاتی تبدیلی دے خراب اثرات ساریں توں ودھ پاکستان اُتے ہی پمدے پئن۔انہاں آکھیا جو ملک اچ ہر سال آوݨ آلی چھل ، جنگلات دی کٹائی اتے ٻئے ماحولیاتی مسئلے ایں بحران کوں ٻیا بھیانک بݨیندے پئن۔ اساکوں ایہ منݨا ہوسی جو دنیا دا ماحول ہک ہی اے، بھاویں او جرمنی ہووے، فرانس ہووے یا انگلینڈ ہووے، ساریں دی آب و ہوا ہک ݙوجھے نال جُڑی ہوئی اے۔انہاں مزید آکھیا جے ترقی یافتہ ملکاں اچ فضائی آلودگی کوں قابو کرݨ کیتے خرچ کیتی ونڄݨ آلی ڈھیر رقم موسمیاتی تبدیلی توں متاثرہ ملکاں اچ استعمال کیتی ونڄے تاں ایندے نتیجے ٻہوں ودھ مؤثر اتے دیرپا ثابت تھی سڳدن۔