اسلام آباد۔ 7 نومبر(اے پی پی)وفاقی وزیر برائے موسمیاتی تبدیلی و ماحولیاتی ہم آہنگی ڈاکٹر مصدق ملک دی زیرِ صدارت وزیرِاعظم دی فلم و سنیما دی بحالی بارے کمیٹی دا پہلا اجلاس تھیا۔ اجلاس اچ پاکستان اچ فلم سازی، ونݙݨ اتے نمائش بارے موجودہ ادارہ جاتی اتے ریگولیٹری ڈھانچیاں دا تفصیلی جائزہ ڳھدا ڳیا۔ جاری پریس ریلیز دے مطابق اجلاس اچ وفاقی وزیر برائے قومی ورثہ و ثقافت ڈویژن اورنگزیب …
وفاقی وزیر موسمیاتی تبدیلی و ماحولیاتی ہم آہنگی ڈاکٹر مصدق ملک دی زیرِ صدارت وزیرِاعظم دی فلم و سنیما دی بحالی نال متعلق کمیٹی دا اجلاس
اسلام آباد۔ 7 نومبر(اے پی پی)وفاقی وزیر برائے موسمیاتی تبدیلی و ماحولیاتی ہم آہنگی ڈاکٹر مصدق ملک دی زیرِ صدارت وزیرِاعظم دی فلم و سنیما دی بحالی بارے کمیٹی دا پہلا اجلاس تھیا۔ اجلاس اچ پاکستان اچ فلم سازی، ونݙݨ اتے نمائش بارے موجودہ ادارہ جاتی اتے ریگولیٹری ڈھانچیاں دا تفصیلی جائزہ ڳھدا ڳیا۔ جاری پریس ریلیز دے مطابق اجلاس اچ وفاقی وزیر برائے قومی ورثہ و ثقافت ڈویژن اورنگزیب خان کھچی، وزیرِاعظم دے معاونِ خصوصی برائے قومی ثقافت و ورثہ حذیفہ رحمان اتے وزارتِ اطلاعات و نشریات اتے وزارتِ وفاقی تعلیم و پیشہ وارانہ تربیت دے سینئر حکام شرکت کیتی۔ شرکاء متعلقہ وزارتاں اتے سٹیک ہولڈرز وچال چنڳے رابطے اتے ہم آہنگی کیتے مختلف تجاویز اُتے غور کیتا تاں جو ملکی فلمی صنعت دی پائیدار ترقی اتے بحالی کوں ممکن بݨایا ونڄ سڳے۔ ایں موقعے اُتے ڈاکٹر مصدق ملک پاکستان دے سنیما کوں ثقافتی اظہار، تخلیقی معیشت اتے قومی بیانیے کوں ودھاوݨ دا اہم ذریعہ قرار ݙتا۔ انہاں ایں زور ݙتا جو پالیسیاں کوں عالمی فلمی رجحانات دے مطابق ڈھالیا ونڄے، ڈیجیٹل پلیٹ فارمز دے استعمال دی حوصلہ افزائی کیتی ونڄے، مقامی مواد دی تیاری کوں ودھایا ونڄے اتے اینڄھیاں فلماں دی سرپرستی کیتی ونڄے جیڑھیاں پاکستان دی مختلف ثقافتی سنڄاݨ کوں عالمی سطح اُتے اڳونہا کرن۔
