افغان حکومت دہشتگردی روکݨ اتے امن دے وعدے نبھاوݨ اچ ناکام، پاکستان اپݨی خود مختاری اتے عوام دے تحفظ کیتے سارے ضروری اقدامات جاری رکھیسی، وفاقی وزیر اطلاعات و نشریات عطا اللہ تارڑ

اسلام آباد۔ 7 نومبر(اے پی پی)وفاقی وزیر اطلاعات و نشریات عطا اللہ تارڑ آکھیے جو پاکستان امن چاہندے اتے ایں سانڳے مل ٻیھ تے مسئلے حل کرݨ دی کوشش ودھ کوشش کیتی اے، پاکستان اپݨے اصولی موقف تے کھڑے جو افغانستان سرزمین توں دہشتگردی تے قابو پاوݨ افغان حکومت دی ذمہ داری اے، افغان طالبان، باہمی، عالمی اتے علاقائی وعدیاں کوں نبھاوݨ اچ ناکام رہین، پاکستان اپݨے عوام دی حفاظت کیتے سارے ضروری اقدامات جاری رکھیسی۔ استنبول اچ قطر اتے ترکیہ دی ثالثی اچ جاری پاکستان اتے افغانستان باہمی مذاکرات سانڳے اپ ڈیت کریندے وفاقی وزیر اطلاعات و نشریات عطا اللہ تارڑ سماجی رابطے دے پلیت فارم “ایکس” تے اپݨی پوسٹ اچ ݙسائے جو پاکستان اتے افغانستان دے مذاکرات اچ ڈیڈلاک برقرار اے۔ انہاں خطے اچ امن سانڳے ترکیہ اتے قطر دیاں ثالثی کوششاں دی تعریف کریندے آکھیے جو پاکستان مذاکرات کراوݨ تے ترکیہ اتے قطر دی قیادت دا شکریہ ادا کیتے۔ انہاں آکھیا جو پاکستان افغان عوام نال خیر سگالی دا جذبہ رکھیندے، اساں افغان عوام کیتے ہک پر امن مستقبل آلا افغانستان چاہندے ہیں ٻھل افغان طالبان، باہمی، عالمی اتے علاقائی وعدیاں کوں نبھاوݨ اچ ناکام رہین اتے دوحہ امن معاہدے 2021 دے تکمیل اچ کوئی سنجیدہ پیش رفت نئیں ݙکھائی۔ انہاں آکھیا جو پاکستان اپݨے اصولی موقف تے کھڑے جو افغان طالبان حکومت اپݨی سرزمین پاکستان دے خلاف دہشتگردی کیتے استعمال تھیوݨ توں روکے، اے ذمہ داری افغان حکومت دی اے جو او افغانستان سرزمین توں دہشتگردی تے قابو پاوݨ دے اقدامات کرے۔ انہاں واضح کیتے جو طالبان حکومت دے اینڄھے کہیں وی اقدام دی حمایت نا کریسوں جیڑھی افغان عوام، ہمسایہ ملکاں  اتے خطے دے مفاد دے مطابق نا ہووے، پاکستان اپݨے عوام دی حفاظت اتے اپݨی خودمختاری کیتے سارے ضروری اقدامات جاری رکھیسی۔