وفاقی وزیر اطلاعات و نشریات عطا اللہ تارڑ دا پی ٹی وی نیوز دے پرائم منسٹر بیٹ رپورٹر مظہر عباس دے والد دے انتقال تے افسوس

اسلام آباد۔ 8 نومبر(اے پی پی) وفاقی وزیر برائے اطلاعات و نشریات عطا اللہ تارڑ پی ٹی وی نیوز دے پرائم منسٹر بیٹ رپورٹر مظہر عباس دے والد دے انتقال تے افسوس کیتے۔ اپݨی پرچاوݨی اچ وفاقی وزیر اطلاعات و نشریات مظہر عباس اتے انہاں دے تٻر نال افسوس کریندے ہمدردی کیتی۔ انہاں آکھیا جو والد محترم دا انتقال ہِک وݙا صدمہ اتے نہ پُر تھیوݨ آلا نقصان اے، ایں ݙُکھ اچ مظہر عباس اتے اُنہاں دے اہل خانہ دے نال کھڑے ہیں۔ اُنہاں آکھیا جو وزارت اطلاعات اتے ساری میڈیا برادری اُنہاں دے غم اچ شریک اے۔ وفاقی وزیر دعا کیتی جو اللہ تعالیٰ مرحوم کوں جنت اچ ڄاہ ݙیوے اتے لواحقین کوں صبر آوے۔