وزیراعظم شہباز شریف آذربائیجان دے ݙو ݙینہہ دے دورے توں بعد باکو توں اسلام آباد روانہ تھی ڳئے

باکو۔ 8 نومبر(اے پی پی)وزیراعظم محمد شہباز شریف آذربائیجان دے ݙو ݙینہہ دے دورے توں بعد باکو توں اسلام آباد روانہ تھی ڳئن۔ ہفتے کوں باکو دے حیدر علیوف بین الاقوامی ایئرپورٹ تے آذربائیجان دے اول نائب وزیراعظم یعقوب ایوبوو، آذربائیجان اچ پاکستان دے سفیر قاسم محی الدین اَتے سفارتی عملے وزیراعظم کوں الوداع آکھیا۔ دورے اچ وزیراعظم آذربائیجان دے یوم فتح دی پنجویں سالگرہ دی تقریب اچ شرکت کیتی۔ وزیراعظم دی آذربائیجان دے صدر الہام علیوف اَتے ترکیہ دے صدر رجب طیب اردوان نال ݙو طرفہ ملاقاتاں وی تھئین۔