افغان سرزمین توں پاکستان اچ دہشت گردی دے ناقابل تردید ثبوت ہِک واری ول سامݨے آ ڳئے، 30 ستمبر کُوں فرنٹیئر کور ہیڈ کوارٹرز (نارتھ) کوئٹہ تے خودکش حملے اچ شامل ݙوجھا حملہ آور افغانی نِکلیے

اسلام آباد۔ 9 نومبر(اے پی پی)افغان سرزمین توں پاکستان اچ دہشت گردی دے ناقابل تردید ثبوت ہِک واری ول سامݨے آ ڳئن، 30 ستمبر کُوں فرنٹیئر کور ہیڈ کوارٹرز (نارتھ) کوئٹہ تے خودکش حملے اچ شامل ݙوجھا حملہ آور افغانی نِکلیے۔ تفصیلات موجب، فتنہ الخوارج دے افغان خودکش حملہ آور دی شناخت محمد سہیل عرف خباب دے ناں توں تھئی اے، محمد سہیل عرف خباب افغانستان دے صوبہ وردک دے ضلع میدان شہر دا رہائشی ہئی۔ کوئٹہ ایف سی ہیڈ کوارٹر حملے اچ 8 شہری شہید اَتے 40 زخمی تھئے ہِن۔ ایف سی ہیڈ کوارٹر کوئٹہ تے حملہ فتنہ الخوارج دے افغان دہشت گرداں دی تازہ ترین شرمناک مثال اے۔ افغان طالبان رجیم دی عہد شکنی اَتے دہشت گرداں دی مسلسل پُشت پناہی پورے خطے کیتے خطرہ بݨ چُکی اے۔