اقوام متحدہ دی کمیٹی تخفیف اسلحہ بارے پاکستان دی پیش کردہ 4 قرارداداں منظور کر ڳِھدن

اقوام متحدہ۔ 9 نومبر(اے پی پی)اقوام متحدہ دی جنرل اسمبلی دی ہک اہم کمیٹی تخفیف اسلحہ بارے پاکستان ولوں پیش کیتی ڳئی4 قرارداداں منظور کر ڳِھدِن، جیڑھیاں علاقائی اَتے عالمی امن و سلامتی کُوں مضبوط بݨاوݨ دے مقصد نال پیش کیتیاں ڳیاں ہِن۔ اے قدم پاکستان دے پائیدار امن دے عزم دی عکاسی کریندے۔ کمیٹی برائے تخفیف اسلحہ و بین الاقوامی سلامتی ݙو قرارداداں کُوں متفقہ طور تے منظور کیتے جنہاں اچ علاقائی تخفیف اسلحہ اَتے علاقائی اَتے ذیلی علاقائی سطح تے اعتماد سازی دے اقدامات شامل ہِن۔ ٻیا ݙو قرارداداں ویں واضح اکثریت نال منظور تھئین۔