ایوانِ بالا اچ کہیں دی تصویر اَتے پوسٹر گھن آوݨ منع اے، یوسف رضا گیلانی

اسلام آباد۔ 9 نومبر(اے پی پی) چیئرمین سینیٹ سید یوسف رضا گیلانی رولنگ ݙتی اے جو ایوانِ بالا (سینیٹ) اچ کہیں دی وی تصویر اَتے پوسٹر گھن آوݨ منع اے۔ آݙت کوں ایوانِ بالا دے اجلاس اچ سینیٹر سرمد علی ایوان دی توجہ ݙِوائی جو کہیں دی تصویر ایوان اچ نئیں ہووݨی چاہیدی، اِیں حَوالے نال ڈپٹی چیئرمین رولنگ وی ݙتی اے۔ جیںدے تے چیئرمین سینیٹ رولنگ ݙیندے آکھیا جو ایوان اچ کہیں دی تصویر اَتے پوسٹر گھن آوݨ منع اے، اِیںدے تے قانون دے مطابق عمل کیتا ون٘ڄے۔