ستاویویں آئینی ترمیم دے حوالے نال کوئی ڈیڈ لاک کائنی، اساڈے ووٹ پورے ہِن، کہیں قسم دا کوئی ابہام کائنی، وفاقی وزیر اطلاعات تے نشریات عطاء اللہ تارڑ

اسلام آباد۔10نومبر (اے پی پی) وفاقی وزیر برائے اطلاعات تے نشریات عطاء اللہ تارڑ آکھیا جو 27 ویں آئینی ترمیم دے حوالے نال کہیں قسم دا کوئی ڈیڈ لاک کائنی، وزیراعظم دی ہدایت تے انہاں دی چھُٹی (استثنیٰ) بارے ترمیم کمیٹی توں واپس تھی گئی اے، وزیراعظم سمجھیے جو او عوام اتے قانون دی عدالت اچ جوابدہ ہِن، انہاں دا اے چنگا قدم اے، وفاق اتے صوبیاں وچال رشتے کوں مضبوط کرݨ، مُلک کوں دفاعی طور تے مضبوط بݨاوݨ اتے دفاعی طاقت اچ ودھارے کیتے چنگی ترمیم گھن آئی گئی اے، اساڈے ووٹ پورے ہِن، کہیں قسم دا کوئی ابہام کائنی۔ سنوار کوں پارلیمنٹ ہاؤس اچ میڈیا نال گالھ مہاڑ کریندیں ہوئیں وزیر اطلاعات و نشریات آکھیا جو 27 ویں آئینی ترمیم دے حوالے نال کہیں قسم دا کوئی ڈیڈ لاک کائنی، وزیراعظم محمد شہباز شریف چھُٹی نہ گھنݨ دا فیصلہ کیتا ہا اتے کل آذربائیجان توں واپس آندے ای انہاں ہدایت کیتی اتے اج کمیٹی توں وی او شق واپس تھی گئی اے، اے اِک چنگا قدم اے، وزیراعظم محمد شہباز شریف سمجھیے جو او عوام اتے قانون دی عدالت اچ جوابدہ ہِن۔ انہاں آکھیا جو ساری ترامیم چنگی حکمرانی (گڈ گورننس)، وفاق دے صوبیاں نال مضبوط رشتے، پاکستان کوں دفاعی طور تے ٻیا مضبوط کرݨ اتے دفاعی طاقت اچ ودھارے کیتے وݙی چنگی گالھ مہاڑ دے بعد گھن آئی گئن۔ ہک سوال دے جواب اچ وفاقی وزیر اطلاعات و نشریات آکھیا جو پوری دنیا اچ سربراہ ریاست کوں چھُٹی حاصل ہوندی اے، اے مرضی ہوندی اے، ساری دنیا اچ اے نظام جاری اے۔ انہاں آکھیا جو پوری دنیا اچ آئینی عدالتاں دا تصور موجود اے، چارٹر آف ڈیموکریسی دے ویلھے توں اے بحث چلدی پئی ہئی جو آئینی عدالتاں ہووݨی چاہیدِن، مسلم لیگ ن، پیپلز پارٹی اتے اے این پی دا اے رلواں مطالبہ ہا، کئی دہائیاں توں چلدی ہوئی بحث ہݨ منطقی انجام تئیں پڄی اے۔ انہاں آکھیا جو 26 ویں آئینی ترمیم اچ آئینی بنچ بݨایا گیا جئیں دے فائدے سامݨے آئِن، عدالتاں اچ مقدمیاں دا کم دا بوجھ گھٹ تھیا جڈاں جو عدلیہ دی کارکردگی اچ وی ودھارا تھیا۔ انہاں دا آکھݨ ہا جو آئینی معاملے گھٹ ہوندِن پر انہاں تے ویلھا بہوں زیادہ لگدے۔ انہاں آکھیا جو جوڈیشل ریفارمز اچ اصلاحات انصاف دی جلدی اتے فوری فراہمی کیتے چنگا قدم اے۔ انہاں آکھیا جو اساݙے ووٹ پورے ہِن، کہیں قسم دا کوئی ابہام کائنی، اے مثبت آئینی ترامیم ہِن اتے بہترین عالمی طریقیاں کوں ڈیکھدے ہوئیں تیار کیتی گئِن۔ وفاقی وزیر آکھیا جو آئین اِک جیوِندی دستاویز اے جئیں اچ ارتقاء دا عمل مرحلہ وار چلدا رہندے اتے ایںدے تحت اج تئیں 27 ترامیم تھین جو خوش آئند اے۔