محسن نقوی دا بھارتی حمایت یافتہ دہشت گرداں دے خلاف کامیاب آپریشنز تے سکیورٹی فورسز کوں خراج تحسین

اسلام آباد۔10نومبر(اے پی پی)وفاقی وزیرداخلہ محسن نقوی خیبرپختونخوا وچ بھارتی حمایت یافتہ دہشت گرداں دے خلاف کامیاب آپریشنز تے سکیورٹی فورسز کوں خراج تحسین پیش کیتے۔ وزارت داخلہ توں جاری بیان موجب، انہاں اپݨے بیان وچ 20 خوارجیاں کوں جہنم واصل کرݨ تے سکیورٹی فورسز دیاں پیشہ وارانہ صلاحیتاں دی تعریف کیتی۔ انہاں آکھیا جو سکیورٹی فورسز ویلھے تے کاروائیاں کر تے خیبرپختونخوا وچ خوارجیاں دے خراب ارادیں کوں مٹی اچ رلا ݙتے ا، 20 دہشت گرداں کوں جہنم واصل کرݨ تے سکیورٹی فورسز کوں سلام پیش کرینداں۔ محسن نقوی آکھیا جو سکیورٹی فورسز دے افسراں اتے جواناں دی بہادری اتے پروفیشنل ازم تے ماݨ اے ، دہشت گردی دے خلاف جنگ وچ سکیورٹی فورسز نمایاں کامیابیاں ڳھدِن۔ انہاں آکھیا جو خیبرپختونخوا وچ امن قائم کرݨ کیتے سکیورٹی فورسز پرعزم اے