ستاویواں آئینی ترمیمی ٻل ساریاں سیاسی جماعتاں نال مشاورت اتے تفصیلی ڳالھ مہاڑ دے بعد منظور کیتا ڳئے، اعظم نذیر تارڑ

اسلام آباد۔10نومبر(اے پی پی) وفاقی وزیر قانون و انصاف اعظم نذیر تارڑ آکھیے جو 27 ویواں آئینی ترمیمی ٻل ساریاں سیاسی جماعتاں نال مشاورت اتے تفصیلی ڳالھ مہاڑ دے بعد منظور کیتا ڳئے، ایں ترمیم دے حوالے نال ساریاں سیاسی جماعتاں اپݨیاں تجویزاں ݙِتیاں جنہاں دا تفصیلی جائزہ ڳھدا ڳیا۔ سینیٹ اجلاس وچ ڳالھ کریندے انہاں آکھیا جو 27ویں آئینی ترمیمی ٻل تے کمیٹی ٻہوں چنڳا کم کیتا، ساریاں جماعتاں مکمل ہک دلّی نال ایں تے تفصیلی بحث کیتی، میثاق جمہوریت تے عمل کریندے وفاقی آئینی عدالت قائم کریندے پیوں ، ݙوہیں عدالتاں متوازی نظام تے ہن، جیڑھا چیف جسٹس سنیارٹی دے حساب نال سینئر ہوسی اوہو ججز تقرری کمیشن اتے سپریم جوڈیشل کونسل دی صدارت کریسی، متحدہ قومی موومنٹ مقامی حکومتاں، عوامی نیشنل پارٹی دے پارلیمانی لیڈر ایمل ولی خان صوبہ خیبرپختونخوا دے ناں دے حوالے نال، مسلم لیگ (ن) دے پارلیمانی لیڈر سینیٹر کامل علی آغا تعلیم و تحقیق نال متعلق پالیسی سازی وچ وفاق دے کردار، بلوچستان عوامی نیشنل پارٹی دے منظور کاکڑ اتے ٻیاں بلوچستان دی صوبائی اسمبلی دیاں سیٹاں دی تعداد وچ ودھارے دیاں تجویزاں ݙِتیاں، سینیٹر عبدالقادر اتے سینیٹر دنیش کمار اپݨیاں اپݨیاں تجویزاں ݙِتیاں۔ کمیٹی اجلاس وچ بہترین معاونت کرݨ تے کمیٹی اتے وزارت قانون و انصاف دے عملے دے شکر گزار ہِیسے۔ ایں توں پہلے 27ویں آئینی ترمیمی ٻل تے بحث وچ حصہ گھندے سینیٹر سیّد فیصل سبزواری آکھیا جو سیاستداناں کنے جݙݨ موقع ہووے تاں میرٹ اتے انصاف تے عمل کرن، مسلح افواج آپݨے توں کئیں گنا وݙے دشمن کوں شَکست ݙِتی، پاکستان کوں افغانستان دا چیلنج سامݨے اے، اساں کوں پاک فوج دے رلے کھڑے تھیوݨا چاہیدے، عوام کوں ایں آئینی ترمیم دے فیدے مِلݨے چاہیدن۔ سینیٹرخالدہ اطیب آکھیا جو 27ویں آئینی ترمیم وچ ایم کیو ایم دیاں تجاویز کوں شامل کیتا ونڄے۔ سینیٹر ایمل ولی خان آکھیا جو اے آئینی ترمیم اصول اتے وفاق دے تحفظ کیتے اے