وانا کیڈٹ کالج دے اندر موجود 3 خوارجیاں دے خلاف آپریشن جاری اے، سکیورٹی ذرائع

اسلام آباد۔11نومبر (اے پی پی) وانا کیڈٹ کالج دے اندر موجود 3 خوارجیاں دے خلاف آپریشن جاری اے، اندر موجود ترائیں خوارجیاں دا تعلق افغانستان نال ݙسایا ویندا پئے۔ اے لوک مسلسل ٹیلیفون تے افغانستان توں ہدایات گھندے پئے ہن۔ سکیورٹی ذرائع دے مطابق خوارج ہک عمارت اچ لُکے ہوئن جیڑھی کیڈٹس دی رہائش توں بہوں پرے اے، عمارت دی صفائی (کلیئرنس) کوں وݙی مہارت نال سرانجام ݙِتا ویندا پئے تاںجو کیڈٹس دی زندگی محفوظ رہ سڳے اتے انہاں کوں کوئی ضیان نہ تھیوے۔ واضح رہے جو 10 نومبر کوں افغان خوارج کالج دے مرکزی گیٹ تے بارود نال بھری ہوئی گاݙی ٹکرا ݙتی ہئی، دھماکے نال کالج دا مرکزی گیٹ ݙھہ ڳیا، نیڑے دی عمارتاں کوں وی ضیان تھیا، پاک فوج دے جواناں جلدی اتے بہادرانہ کارروائی کریندیں ہوئیں ݙو خوارجیاں کوں موقع تے مار ݙِتا ہا۔ سکیورٹی ذرائع آکھیا جو معصوم قبائلی ٻالاں تے حملہ اتے دہشت گرداں دا اسلام نال یا پاکستان دی عوام دی خوشحالی نال کوئی تعلق نئیں، آخر دہشت گرد دے خاتمے تئیں سیکیورٹی فورسز دا آپریشن جاری رہسی۔