جی الیون کچہری دے ٻاہر فتنہ الخوارج دے خودکش دھماکہ اچ شہید تھیوݨ آلے 12 لوکاں دی میتاں اتے 20 زخمی پمز ہسپتال منتقل

اسلام آباد۔11نومبر (اے پی پی) جی الیون کچہری دے ٻاہر ہندوستانی سپانسرڈ اتے افغان طالبان دی پراکسی فتنہ الخوارج دے خودکش دھماکہ اچ شہید تھیوݨ آلے 12 لوکاں دی میتاں اتے 20 زخمیاں کوں پمز ہسپتال منتقل کر ݙِتا ڳیا۔ ابتدائی رپورٹ موجب منگل کوں دھماکہ جی الیون کچہری دے ٻاہر تھیا جئیں دی ولھیٹ اچ آسے پاسے کھڑے لوک آئے۔ مبینہ خودکش بمبار دا سِر سڑک تے پیا ہویا مِل ڳیا۔ پمز ہسپتال ذرائع دے مطابق دھماکہ اچ شہید 12 لوکاں دی میتاں کوں پمز ہسپتال منتقل کر ݙِتا ڳیا، پمز ہسپتال اچ 20 زخمیاں کوں ایمرجنسی منتقل کر ݙِتا ڳیا، ٻئے زخمیاں کوں پمز ہسپتال گھن آیا ویندا پئے۔ اوݙوں مودی دہلی اچ فالس فلیگ کروا تے روندا پئے اتے آپݨی پراکسیاں افغان طالبان اتے فتنہ الخوارج دے ذریعے پہلے وانا کیڈٹ کالج اتے اج اسلام آباد تے دہشت گردانہ حملہ کروایا۔