افغان مہاجرین دی عزت نال وطن واپسی دا سلسلہ جاری، ہک ڈینہہ اچ 11 ہزار 6 سو مہاجر وطن واپس روانہ

اسلام آباد۔13نومبر (اے پی پی) افغان مہاجرین دی عزت نال وطن واپسی دا سلسلہ تیزی نال جاری اے، گذریے ہک ڈینہہ اچ تقریباَ 11 ہزار 6 سو افغان مہاجرین کوں عزت دار طریقے نال افغانستان واپس بھیجا گئے۔ تفصیلات موجب، سرکاری اعداد و شمار دے مطابق ہݨ تئیں تقریباَ 16 لکھ 96 ہزار افغان مہاجرین دی وطن واپسی تھئی اے۔ ہر بندے دے کاغذات دی تصدیق دے بعد سرحد پار کرݨ دی اجازت ݙتی ویندی پئی اے۔ افغان مہاجرین دی واپسی قانونی طریقہ کار دے تحت کیتی ویندی پئی اے۔ افغان مہاجرین دی واپسی دا قدم پاکستان آپݨی قومی سلامتی کوں ݙیکھدیں ہوئیں چاتے۔ افغان مہاجرین کیتے ایف سی اتے سول انتظامیہ ولوں نہ صرف رہائش بلکہ کھاوݨ دا وی انتظام کیتا ویندا پئے۔ افغان جنگ اتے خانہ جنگی پاروں پاکستان 40 سال تئیں افغانیاں دی بہترین میزبانی کیتی اتے ہک وݙی مثال قائم کیتی اے۔ اے قدم پاک افغان تعلقات اچ آپسی احترام دی مضبوط بنیاد اے۔ پاکستان اچ ہݨ پاسپورٹ اتے ویزہ توں بغیر داخلہ ممکن نہ ہوسی۔